भूमि अतिक्रमण विरोधमा क्षत्री समाजको आन्दोलन चेतावनी

Avatar आदर्श समाज सम्वाददाता
जेठ ४, २०७७
chhetri

पोखरा । नेपाली भूमि अतिक्रमण विरोधमा क्षत्री समाज नेपालले देशव्यापी आन्दोलनको चेतावनी दिएको छ ।
विगतदेखि राष्ट्रिय अखण्डता, जातीय सद्भाव, राष्ट्रिय हितका लागि आन्दोलनरत् रहँदै आएको समाजले कोरोना प्रभावले विश्वमै असर परेको बेलामा छिमेकी भारतले नेपाली भूमि कालापानी, लिपुलेक र लिम्पियाधुरा अतिक्रमण गरेकोप्रति आपत्ति जनाएको छ ।
समाजले सोको विरोधमा देशैभर जिल्ला प्रशासनमार्फत प्रधानमन्त्रीलाई ज्ञापनपत्र बुझाएको समाजका उपाध्यक्ष एवं प्रचार विभाग प्रमुख कृष्ण थापाले जानकारी दिए ।
समाजका केन्द्रीय अध्यक्ष प्राडा दिलबहादुर क्षत्री, महासचिव केशबहादुर केसीद्वारा हस्ताक्षरित ज्ञापनपत्रमा अविलम्ब नेपाल सरकारद्वारा कूटनीतिक पहल गरी नेपाली भूमि फिर्ता र सीमा सुरक्षामा प्रभावकारी कदम चालन माग गरिएको छ ।
कास्कीमा प्रमुख जिल्ला अधिकारी ज्ञानप्रसाद ढकालले ज्ञापनपत्र बुझेका हुन् ।
ज्ञापनपत्र बुझाउने कार्यक्रममा केन्द्रीय अध्यक्ष प्राडा दिलबहादुर क्षत्रीसहित, उपाध्यक्ष कृष्णबहादुर थापा, महासचिव केशबहादुर केसी, सचिव हिमाल खड्का, महिला समाज अध्यक्ष उर्मिला खड्का, प्रदेश उपाध्यक्ष बमबहादुर पाण्डे, जिल्ला सहसचिव शेरजंग अधिकारी, राजेन्द्र क्षत्री, तारा थापा लगायत उपस्थित थिए ।
यसैबीच, समाजले कोरोना भाइरुस नियन्त्रण, रोगथाम र सहजताका लागि सम्पूर्ण नेपालीमा एकताको लागि अनुरोध गरेको छ ।

Related News

सम्बन्धित समाचार

    hero news full width

    sanil ads

    wordlink ads