पाल्पा ७, बैशाख । कृषि एम्बुलेन्स सेवामार्फत तानसेन युवा परिषद्ले आइतबार २ हजार पाँचसय किलो ताजा तरकारी तानसेन बजारमा बिक्री गर्यो । परिषद्का अध्यक्ष गुराँस आत्रेयले तानसेन नगरबासीका लागि घरघरै सेवा दिने अभियान स्वरुप आइतबार कृषि एम्बुलेन्स सेवा आरम्भ भएको सामाजिक सञ्जालबाट जानकारी दिए ।

‘हामी घरघरै आउने योजना बनाएर निस्किएका हौं’ उनले भने –‘शुभारम्भका लागि टुँडिखेलमा पुग्दा उपभोक्ताको लाइनबद्ध उपस्थितिलाई इन्कार गर्न मिलेन ।’ उनले आइतबार टुँडिखेलबाट कृषि एम्बुलेन्समार्फत तरकारी बिक्री सेवा आरम्भ गरिएपनि सोमबारबाट बजारका घरघरमै सेवा पु¥याउने विश्वास दिलाए । आत्रेयले सोमबार चारपाँच वटा गाडिमा तरकारी घरघरै आउने हुँदा घरमै बसी सेवा लिन अनुरोध गरे ।

उनले आफूहरूले प्रयाप्त तरकारी भएको संकलन केन्द्रसँग समन्वय गरेकोले पालैपालो सवैको घरघरमा कृषि एम्बुलेन्स आउने जानकारी दिए । आइतबार काउली, बन्दा र काँक्रा बिक्री गरिएको थियो । प्रतिपोका १०० का दरले बिक्री गरिएको तरकारीको मूल्य काउली किलोको १०, बन्दा १० र काँक्रा ३५ रहेको परिषद्ले जनाएको छ । तानसेन नगरपालिका र मदनपोखरा कृषि सहकारीको सहयोगमा युवा परिषदले कृषि एम्बुलेन्स सेवा आरम्भ गरको हो ।