पोखरा । पृथ्वीनारायण क्याम्पस पोखराको एक सातादेखि अबरुद्ध पठनपाठन सुचारु भएको छ ।
नेपाल आंशिक प्राध्यापक संघ पृथ्वीनारायण क्याम्पस इकाइ पोखराको आह्वानमा क्याम्पसमा अध्यापनरत आंशिक शिक्षकले दैनिक ज्यालादारी प्रथा अन्त्य हुनुपर्ने माग राख्दै आन्दोलनस्वरुप कक्षा बहिस्कार गरेका थिए । बहिस्कारका कारण एक हप्तासम्म क्याम्पसको पठनपाठन पूर्ण रुपमा बन्द भएको थियो ।आंशिक प्राध्यापकले आन्दोलनमा उठाएका मागप्रति त्रिभुवन विश्वविद्यालयका प्रतिनिधि, पृथ्वीनारायण क्याम्पस प्रशासन र आंशिक प्राध्यापक संघका प्रतिनिधिबीचको त्रिपक्षीय वार्तामा समस्या समाधान गर्न सहमतिपछि आन्दोलन तत्कालका लागि स्थगित गरिएको आंशिक प्राध्यापक संघका अध्यक्ष सुनिल गौतमले जानकारी दिए ।
‘आन्दोलन एक अभियान हो, हाम्रो चाहना विद्यार्थीले पढ्ने अधिकारलाई रोक्ने होइन,’ उनले भने, ‘नजिकिँदै गरेको स्ववियु निर्वाचन, आन्तरिक परीक्षा र हिउँदे बिदा पछाडि कक्षा नहँुदा पठनपाठन अस्तव्यस्त भएकाले आन्दोलन तत्कालका लागि स्थगन गरेका हौं।’क्याम्पस प्रमुख प्राध्यापक चन्द्रबहादुर थापाले जसरी पनि आंशिकको माग सम्बोधन गर्ने प्रतिबद्धता जनाए । यो समस्या आंशिकको मात्रै नभएर आफ्नो र समग्र त्रिविको भएकाले जतिसक्दो चाडो समस्या समाधान गर्ने उनको भनाइ छ ।
आन्दोलनरत पक्षले आन्दोलनमा साथ दिने सबैप्रति आभार व्यक्त गरेको छ । ज्यालादारीका रुपमा अध्यापन गराइरहेका २ सय १८ जना आंशिक प्राध्यापक सामूहिक राजिनामा दिने भन्दै आन्दोलनमा उत्रिएका थिए । आन्दोलनमा समावेश प्राध्यापकमध्ये १४ वर्षदेखि ज्यालादारीमै पढाइरहेका समेत थिए ।
Related News
सम्बन्धित समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
hero news full width
मुख्य समाचार
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१