पोखरा, ८ माघ । गण्डकी प्रदेश सभा सदस्य एवं नेपाली काँग्रेसको तर्फबाट निर्वाचित बिन्दुकुमार थापाले सरकार गलत बाटोमा हिँडेको आरोप लगाएका छन् ।
थापाले बुधवार पोखरामा पत्रकार भेटघाट गरी सरकारलाई त्यस्तो आरोप लगाएका हुन् । संघीयता प्राप्त भएपछि पनि विधिको शासन, समविकास,, सम्मृद्धि र भ्रष्टाचार नरोकिएको आरोप उनको छ ।
जिम्मेवार प्रतिपक्ष भएर सरकारका असल काममा सघाउँदै आएका छौं । तर प्रदेश सरकारले विचारमाथि निषेधको राजनीति गर्दै आईरहेको छ, उनको आरोप छ ।
फरक विचार लिएर निर्वाचित भएका प्रदेश सभा सदस्यले राखेका जायज र असल एजेण्डा पनि सरकारले सुन्न चाहँदैन । सरकार गलत बाटोबाट हिँडेको छ । सरकारले जनतासँग निहुँ खोजिरहेको छ । मेरो निर्वाचन क्षेत्रका जनतामाथि सरकारले ज्यादती गरेको छ । मैले पटक पटक संसदमा पनिकुरा उठाईरहेको छु । तर सरकारले सुनेन, थापाले भने– मेरो निर्वाचन क्षेत्र प्रदेश सरकारकोे विकासबाट विमुख भएको छ ।
संघीय राज्य ब्यवस्थाले घरदैलोमा सिंहदरवार आईपुग्ने अपेक्षा सर्वसाधारणको थियो । तर जनताप्रति गरेको अनुदार ब्यवहार सहिनसक्नु छ । जसका कारण म स्पष्टसँग भन्न सक्छु कि, सरकार संघीयताको पक्षमा छैन । सीमित कार्यकर्ताको खल्ती मोटो बनाउने गरी सरकारी बजेट विनियोजन भएका छन् ।
विकास निर्माणका काममा प्रतिपक्षी दलका सांसदहरुसँग कुनै समन्वय हुँदैन । प्रतिपक्षी दलका सांसदहरुले राखेका जायज मागहरु समेत सरकार सुन्नै चाहदैन । यो मैले किन भनिरहेको छु भने, प्रदेश सरकारबाट सञ्चालित एउटै पनि कार्यक्रम मेरो निर्वाचन क्षेत्रमा छैन । सरकाले ल्याएको ३२ अर्ब बजेटमा के मेरो निर्वाचन क्षेत्रका जनताको हक छैन ? दामासायी ढंगले बाँढ्ने हो भनेपनि मेरो क्षेत्रमा करिब ९० करोड बजेट चाहिन्छ । सबैभन्दा धेरै उद्योगी ब्यवसायी भएको र प्रदेशको राजधानी पोखराको पनि केन्द्रविन्दु यो निर्वाचन क्षेत्रबाट सरकारले यथेष्ट राजश्व उठाउने गर्छ ।
निर्वाचन क्षेत्र पूर्वाधार विकास कार्यक्रमतर्फको बजेट मैले निकै सुझबुझका साथ समानुपातिक ढंगबाट सबैको उपस्थितिमा विनियोजन गरेको छु । यहाँ कसैको विमती छैन । सबैभन्दा धेरै सांसद रहेको क्षेत्रमध्ये म निर्वाचित भएको क्षेत्र पर्छ । यहाँ काँग्रेसका २ र नेकपाका २ जना सांसदहरु छन् । सरकारको रिस पोखेको भए त्यो २ करोड मैले पनि एकलौटी वितरण गर्न सक्थें । तर म विचारको सम्मान गर्छु, राज्यजस्तो अनुदार सोचाई मसँग छैन । सबै नीति नियमहरु संघ सरकारसँग नबाझिने गरी बनाउने भन्ने संबैधानिक ब्यवस्था छ । तर निर्वाचन क्षेत्र पूर्वाधार विकास कार्यक्रममा संघको नियमलाई किन हेरिएन ? कुनै क्षेत्रमा २ करोड एउटै सांसदले योजना छान्ने र कतै ४ जनासम्म सांसदहरु हुँदा न्यायोचित वितरण कसरी हुन्छ ?
२०७५ साल फागुन १ गते देखि २०७६ पुष २९ गते सम्म मेरो बैंक खातामा ६ लाख १० हजार ६ सय ३९ रुपैयाँ १० पैसा जम्मा भएको छ । यो रकम बैठक भत्ता देखि मासिक पारिश्रमिक र अन्य सुविधा समेत हो । ११ महिनाको अवधिमा मैले विकास निर्माण र सामाजिक कार्यमा ९ लाख ३ हजार ७ सय १ रुपैयाँ ५२ पैसा लगानी गरेको छु ।
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१