रुपनारायण ढकाल : पोखरा, १७ पुस । युवा तथा अनुभवी व्यवसायीहरुको एक समूहले पोखराको लेकसाइडमा स्थापना गरेको द विजी वी रिसोर्ट अंग्रेजी नयाँ बर्षको आगमनसँगै संचालनमा ल्याइएको छ ।
पोखरा महानगरपालिका वडा नम्बर ६ को स्ट्रिट नम्बर १५ मा १० करोड रुपैयाँको लागतमा ३४ कोठा भएको रिसोर्ट जनवरी १ तारिखका दिन बुधबार उद्घाटन गरिएको हो । नेपाल भ्रमण बर्ष २०२० को आरम्भसँगै नेपाल विद्युत प्राधिकरणका कार्यकारी निर्देशक कुलमान घिसिङले रिसोर्टको उद्घाटन गरेका थिए ।
रिसोर्टमा अनुभवी एवं सफल रेष्टुराँ व्यवसायी ज्याक तामाङ र युवा व्यवसायीहरु योगेश भट्टराईं, सरोज भट्टराई, सुनिल भट्टराई र बसन्त महतको लगानी रहेको छ । देशविदेशका पर्यटकमाझ लोकप्रिय एवं रात्री जीवनका लागि पोखराको ‘मस्ट ह्यापनिङ प्लेस’ भनेर समेत चिनिने लेकसाइडको बीजी वी रेष्टुराँ पनि यही समूहले संचालन गर्दै आएको छ । अतिथि सत्कारको क्षेत्रमा तीन दशक लामो अनुभव यो समूहसँग रहेको छ ।
रेष्टुराँसँगै अव होटल क्षेत्रमा पनि लगानी गर्दै पर्यटनको विकासका लागि काम गर्ने शोच अनुरुप होटल स्थापना गरिएको विजी वी ग्रुपका अध्यक्ष ज्याक तामाङले जानकारी दिए । चार रोपनी क्षेत्रफल जग्गामा एक बर्षको छोटो अवधिमा नै रिसोर्ट स्थापना गरिएको उनले बताए । रिसोर्टले हाल ८० प्रतिशत हाराहारीको अकुपेन्सी कायम गर्न सफल भएको छ ।
रिसोर्टका सबै कोठामा एसी, सँगै वालकोनी, कफि मेकर, गार्डेन भ्यू जस्ता पक्षहरु समेटिएको छ । स्वीमिङ पुल, स्पा, झण्डै ८० जना क्षमताको कन्फरेन्स हल र त्यति नै क्षमताको रेष्टुराँ तथा बार पनि रिसोर्टमा रहेका छन् । रिसोर्टका कोठाहरु ८० प्रतिशत साउण्ड प्रुफ रहेको दाबी अध्यक्ष तामाङको छ । रिसोर्टमा ३२ जनाले रोजगारी पनि पाएका छन् ।
रिसोर्टले स्ट्याण्डर्ड कोठाको ४५ अमेरिकी डलरदेखि ७० अमेरिकी डलर, डिलक्स कोठाको ५० देखि ८० डलर, फ्याम्ली कोठाको ७५ देखि ९० डलर र सुइट कोठाको ७५ देखि १०० डलर ट्यारिफ निर्धारण गरेको छ ।
दुई महिना अघि सफ्ट ओपनिङ गरिएको रिसोर्ट हाल आएर ग्रान्ड ओपनिङ गरिएको हो । उद्घाटनका क्रममा कार्यकारी निर्देशक घिसिङलाई गण्डकी प्रदेशका सभासद राजिव पहारी, नायिका स्वस्तिमा खड्का, निश्चल बस्नेत र अध्यक्ष तामाङले पनि साथ दिएका थिए ।
पोखरामा नयाँ विमानस्थल बन्दै गरेको सन्दर्भमा होटल क्षेत्रले पनि आसावादी हुने ठाउँ रहेको भन्दै अध्यक्ष तामाङले मुस्ताङको कोरला नाका समेत खुलाउन सके पोखरा क्षेत्रको पर्यटनले फड्को मार्ने बताए ।
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१