पोखरा ८, सिर्जनाचोकमा कार्यालय रहेको फेवा बहुउद्देश्यीय बचत तथा ऋण सहकारी संस्था लिमिटेडले चालू आर्थिक वर्षको मंसिर मसान्तसम्म ५० करोड रुपैयाँभन्दा बढी निक्षेप संकलन गर्न सफल भएको छ।
संस्थाले मंगलबार पोखरामा आयोजना गरेको २१ औं वार्षिकोत्सव अवसरमा संस्थाका प्रबन्ध निर्देशक हरिभक्त पौडेलले सो जानकारी दिएका हुन्। पौडेलका अनुसार संस्थाले मंसिर मसान्तसम्म कुल ५० करोड ३७ लाख ९० हजार २ सय ९२ रुपैयाँ निक्षेप संकलन गर्न सफल भएको हो।
यसैगरी कर्जा लगानी भने ५३ करोड ६ लाख ९३ हजार ८ सय ८७ रुपैयाँ रहेको छ। उल्लेखित अवधिसम्म संस्थाको खर्च १ करोड ८६ लाख रुपैयाँभन्दा बढी र आम्दानी भने ३ करोड ३३ लाख रुपैयाँभन्दा बढी रहेको जनाइएको छ। सहकारीको नाफा भने १ करोड ४७ लाख १० हजार दुई सय ८३ रुपैयाँ रहेको छ।
स्थापनाकालमा सहकारीमा २७ जना सदस्य रहेकोमा हाल त्यस्तो संख्या १ हजार ४ सय पुगेको कार्यक्रम संयोजक एवं संस्थाका संचालक पूर्णभद्र अधिकारीले जानकारी दिए।
४७ हजार ५ सय रुपैयाँबाट कारोबार शुरु गरेको संस्थाले हाल त्यस्तो कारोबार रकम ६६ करोड ६८ लाख रुपैयाँ भन्दा बढी पुर्याएको छ। संस्थाको शेयर पुँजी ८ करोड ६९ लाख रुपैयाँ रहेको छ। जिरो किलोमिटरमा संस्थाले आफ्नै नयाँ भवन पनि निर्माण गर्दै गरेको र छिट्टै सोही भवनबाट कारोबार संचालन गरिने सहकारीले जनाएको छ।
पोखरा ५ का वडाध्यक्ष धनबहादुर नेपालीले वार्षिकोत्सव कार्यक्रम उद्घाटन गर्दै सहकारीहरु आफ्नो मर्म अनुसार चल्दै उद्यमशिलता र रोजगारी अभिवृद्धितर्फ अग्रसर हुनुपर्ने बताए। फेवा सहकारी यसप्रकारको उद्देश्यमा सफल रहेको विश्वास पनि उनले सो अवसरमा व्यक्त गरे।
कार्यक्रममा मृगौला रोगबाट पीडित सहकारी सदस्यद्वय खुमबहादुर गुरुङ र सुन्दर परियारका लागि कार्यक्रममा प्रमुख अतिथि नेपाली र सहकारीका अध्यक्ष एवं कार्यक्रमका सभापति क्याप्टेन चन्द्रप्रसाद गुरुङको हातबाट सहयोग रकम हस्तान्तरण गरिएको थियो।
सहकारीतर्फबाट दुवै पीडितका लागि १०/१० हजार रुपैयाँ र कार्यक्रमका सहभागीबाट उठाइएको ११/११ हजार रुपैयाँ गरी प्रति पीडित २१ हजार रुपैयाँ दरले सहयोग रकम हस्तान्तरण गरिएको हो। कार्यक्रम संचालन सहकारीका सहप्रबन्धक जगन तिमिल्सिनाले गरेका थिए। यसैबीच, उक्त सहकारीले वार्षिकोत्सव अवसरमा सिर्जनाचोकदेखि जिरो किलोमिटरसम्म सरसफाइ र सचेतनामूलक कार्यक्रम समेत मंगलबार सम्पन्न गरेको थियो।
Related News
सम्बन्धित समाचार
पोखराको प्राइम सहकारी पनि समस्याग्रस्त, डेढ अर्ब हिनामिना
लेउवा संघमा वालिङ उद्योग वाणिज्य संघको टोली
गर्मीले भकाभक कुखुरा मर्दा मासु अचाक्ली महँगो
टाइगर कपको आयव्यय सार्वजनिक, साढे १८ लाख बचत
निर्माण व्यवसायी संघ स्याङ्जामा अर्जुन
hero news full width
मुख्य समाचार
पोखरामा बुद्ध जयन्तीको सप्ताहव्यापी कार्यक्रम
जिबी राईको राहदानी रद्द भएन
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१