न्यूयोर्क, ८ पुस । अमेरिकाको न्यूयोर्कमा संसारकै पुरानो रूखको अवशेष फेला परेको छ । एउटा खाली भागमा ३८ करोड ६० लाख वर्ष पुरानो रूखको अवशेष फेला परेको बताइएको छ । वैज्ञानिकले यो रूखको जंगल व्यापक फैलिएको अनुमान गरेका छन् ।
यसअघि संसारको पुरानो रूखको अवशेष गिलबोआ रूखलाई मानिन्थ्यो, जुन न्यूयोर्कमै फेला परेको थियो। अहिले फेला परेको अवशेष गिलबोआभन्दा २० वा ३० लाख वर्ष पुरानो भएको वैज्ञानिकले अनुमान गरेका छन् । यो खोजले रूखको विकासबारे नयाँ जानकारी हासिल हुने वैज्ञानिकहरूको आशा छ।
दस वर्षअघि बेलायतको कार्डिफ विश्वविद्यालय, अमेरिकाको बिंघामटन विश्वविद्यालय र न्यूयोर्क राज्य संग्रहालयका विज्ञहरू हड्सन उपत्यकाको क्याटस्किल पहाड आसपासका क्षेत्रमा खोज गर्दै थए। त्यही बेला उनीहरूले त्यहाँको जंगलको तीन हजार वर्गमिटर क्षेत्रफल नक्सांकन गरे।
अध्ययन क्रममा उनीहरूले उक्त क्षेत्र कम्तीमा दुई प्रजातिका रूखहरूको मुख्य स्थान भएको पहिचान गरे। तेस्रो प्रकारको रूखबारे भने उनीहरूले निक्र्यौल गर्न सकेका छैनन् । अनुसन्धाताहरूले यो क्षेत्रलाई पुराना रूखहरू फेला पर्ने स्थान पनि भनेका छन् । यो धेरै प्राचीन जंगल हो।
वैज्ञानिकहरूका अनुसार यो जंगल बाढीका कारण नास भएको थियो। उनीहरूले यही ठाउँमा माछाका अवशेष पनि फेला पारेका छन्। यो खोजले पृथ्वीको विगतबारे जान्न धेरै मद्दत पुग्ने वैज्ञानिकहरू बताउँछन्। पृथ्वी जंगलविहीन हुँदा र जंगलले ढाक्दाको समयक्रमको व्याख्या गर्न सघाउ पुग्ने उनीहरूको भनाइ छ। रूखहरू कसरी विकास भए भन्नेबारे पनि जान्न सहज हुन्छ।
Related News
सम्बन्धित समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
hero news full width
मुख्य समाचार
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१