पोखरा । साविक उपविजेता चितवन राइनोज लगाचार ४ खेलमा अविजित रहँदै पोखरा प्रिमियर लिग (पीपीपएल) टी–२० क्रिकेट प्रतियोगिताको फाइनल नजिक पुगेको छ ।
पारस खड्का कप्तानीको चितवनले पोखरा रंगशालामा आइतबार विराटनगर टाइटन्सलाई १८ रनले पराजित गर्दै सर्वाधिक ८ अंकका साथ दोस्रो संस्करणको पीपीएलको फाइनल नजिक पुगेको हो । लिग चरणका कुल ५ मध्ये १ खेल बाँकी छँदै ४ खेल जितेको चितवनले अब मंगलबार बाठमाडौंसँग प्रतिष्पर्धा गर्नेछ ।
आइतबारको पहिलो खेलमा टस जितेर विराटनगरले चितवनलाई पहिले ब्याटिङको निम्तो दिएकोमा पूरै २० ओभरमा ४ विकेट गुमाउँदै चिवतनले १४६ रनको योगफल तयार पारेको थियो ।
मध्यस्तरको लक्ष्य पाएको विराटनगर १९ ओभरमा अलआउट हुँदै १२८ रनमा समेटिँदा दोस्रो जितबाट वञ्चित रह्यो । ४ खेल खेलिसकेको विराटनगरले १ मा जित र ३ मा हार बेहोरिसकेको छ । विराटनगरले अब आफ्नो पाँचौ खेलमा बुधबार बुटवल ब्लाष्टरको सामना गर्नेछ ।
विराटनगरका लागि ओपनर सुनिल धमला मात्र ५ रन जोड्दै आउट भए । दोस्रो ब्याट्म्यान मोहम्मद जैद आलम १ रनरेटमै एलबीडब्लु आउट भए । उसका लागि लोकेश बमले अर्धशतक प्रहार गर्दै ६२ रन जोडे पनि जितका लागि पर्याप्त रहेन । बलमे ३६ बल सामना गरेकोमा समान ५ चौका र छक्का हाने ।
त्यस्तै, पूनीत मेहराले २४ रन बनाउँदा नोमन खानले १८ रन जोडे । विराटनगरका ६ जना ब्याट्म्यान दोहोरो अंकको योगफल नबनाउँदै पेभेलियन फर्किए । चितवनका भुवन कार्की र करन केसीले समान ३–३ विकेट लिन सफल हुँदै विराटनगरको इनिङ ध्वस्त बनाए । त्यस्तै, रोहन मुस्तफाले २ र सन्नी पटेलले १ विकेट झारे । भुवनले ‘म्यान अफ दी म्याच’ समेत घोषित हुँदै १० हजार जिते ।
त्यसअघि, चितवनका लागि ७ रन जोडेका रोहन मुस्तफाले टिमको लागि खाता खोले । त्यसपछि आएका कप्तान पारस खड्काले ३५ रन बनाउँदै आउट भए । पारस १०.५ ओभरमा मुस्ताफाको बलमा नोमन खानबाट क्याच आउट हुन पुगेका हुन् ।
त्यस्तै, बाबर ह्यातले २५, अनिल शाहले ३, आरिफ शेखले ३९ र सन्नी पटेलले २७ रनको योगदान दिए । विराटनगरका लागि जितेन्द्र मुखिया, किशोर महतो, पूनीत मेहरा र आलमले १–१ विकेट लिए ।
जितपछि चितवनका कप्तान पारसले खेलाडीहरुले राम्रो मेहनत गरेको बताए । फाइनलसम्म अझै फिट हुने र उपाधि जित्ने लक्ष्य रहेको उनले संचारकर्मीलाई प्रतिक्रिया दिए ।
विराटनगरका कप्तान प्रदीपसिंहले ब्याटिङ सुधार हुन नसक्दा पराजित हुनु परेपनि प्लेअफ पुग्न अबको खेलले अन्य टिम नतिजाले सजिलो हुने बताए । विराटनगरले लिग चरणको अन्तिम खेल खेल्नेछ ।
बुटवल ब्लास्टर्सले दोस्रो संस्करणको पोखरा प्रिमियर लिग टी–२० क्रिकेट (पीपीएल) मा तेस्रो जित हात पारेको छ । पोखरामा आइतबार एक्स्पर्ट धनगढीलाई ७ विकेटले पराजित गर्दै बुटवलले तेस्रो जित निकालेको हो । जितसँगै बुटवल लिगको प्ले–अफमा प्रवेश गरेको छ । अफ्ताब उद्दीन चम्किदा बुटवलले प्ले–अफको खेल खेल्ने भएको हो
पोखरा रंगशालामा धनगढीले दिएको १ सय ४१ रन लक्ष्य बुटवलले १६ ओभर ४ बलमा मात्र ३ विकेट गुमाएर पुरा ग¥यो । बुटवलका लागि अफ्ताब उद्दीन अहमेदले ५२ रनको अर्धशतकीय इनिङ्स खेले ।
Related News
सम्बन्धित समाचार
जिभिपी युके लण्डनले जित्यो क्लबस्तरीय भलिबल उपाधि
उषा र प्रकाश पोखरा साइकल दौड च्याम्पियन
क्लबस्तरीय पुरुष भलिबल, जनकल्याण पोखरा–११ फाइनलमा
पोखरामा शनिबार राष्ट्रिय साइकल दौड प्रतियोगिता
फिस्टेल एसइई कप २०८१ को तयारी
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१