पोखरा, ५ मंसिर । लायन्स क्लब अफ पोखरा अन्नपूर्ण र बिभिन्न ४ वटा लायन्स क्लबबीच विहीवार सहमति पत्र आदान प्रदान भएको छ ।

उक्त अवसरमा परियोजना निर्देशक तथा सल्लाहकार सोनाम साङ्पोले बिदेश स्थित दातृनिकायबाट प्राप्त रकम विहीवार लायन्स क्लब अफ पोखरा अन्नपूर्ण रेन्जका अध्यक्ष पवन कुमार प्रजापति लायन्स क्लब अफ पोखरा अन्जुलीका अध्यक्ष कल्पना आचार्य लायन्स क्लब अफ पोखरा दर्पणका अध्यक्ष गुरु प्रसाद तिवारी र लायन्स क्लब अफ पोखरा आर्दश सैन्चुरीका अध्यक्ष झना खड्का केसीबीच सहमति पत्र प्रदान गरे ।

आर्दश सैन्चुरीकालाई १ लाख ४० हजार र बाँकी ३ वटा क्लबलाई २÷२ लाखका दरले रकम उपलब्ध गराउने बारे लायन्स क्लब अफ पोखरा अन्नपूर्णका अध्यक्ष प्रदीप राजभण्डारीले जानाकारी दिए । उक्त अवसरमा लायन्स क्लब पोखरा अन्नपूर्णका पूर्वअध्यक्षहरु ध्रुव श्रेष्ठ, नारायण बाटाजू,सुरेशबहादुर श्रेष्ठ, कृष्णप्रसाद श्रेष्ठ, अर्जुन पोखरेल र निर्वतमान अध्यक्ष दिनेश तुलाचनको पनि उपस्थित रहेको थियो ।

उक्त खानेपानी टंकी शिलान्यास पहिलो चरणको नोभेम्बर २९ देखि क्रमश १८ डिसेम्बर सम्म चार चरणको खानेपानी टंकी शिलान्यास हुने जानाकारी सल्लाहकार सोनाम साङ्पोले दिए । हालसम्म २२ वटा बिद्यालयमा खानेपानी सम्पन्न भई सकेको र पुम्दी भुम्दी, हेमजा र काठमाण्डौमा निमार्णाधीन अबस्थामा रहेको र यो सहित २९ वटा बिद्यालयमा शुद्ध खानेपानी टंकी निर्माण सम्पन्न हुने बताइएको छ ।