लमजुङ, ३० असार । हिमाल पारीको जिल्ला मनाङमा बनाईदै गरेको अवस्थाको एक मोटरेबल पुल भाँचिएर खोलामा पुगेको छ । मनाङको ङिस्याङ गाउँपालिकाको हुम्डे र ङावल जोड्ने निर्माणाधीन मोटरेबल पुल भत्किएर खोलामा झरेको हो ।
चार करोड ५१ हजारको लागतमा निर्माण शुरु भएको सो पुल निर्माण सम्पन्न नहुँदै भाँचिएको हो । चालु आर्थिक वर्षको असार मसान्तसम्म निर्माण सक्ने लक्ष्य लिएको पुल अहिले भत्किएपछि थप अन्यौल छाएको छ । तीन वर्ष अघि निर्माण सुरु भएको पुल निर्माण सम्पन्न नहुँदै भाँचिएर मस्र्याङ्दी नदीमा खसेको स्थानीयबासीले बतएका छन् । उक्त पुलको निर्माणकार्य ७० प्रतिशत पुरा भएको निर्माणको जिम्मा लिएको क्याराभान कन्स्ट्रक्सनका प्रोजेक्ट म्यानेजर रामकृष्ण कोन्डाले बताए । उनका अनुसार पुलका लागि राखिएको सपोर्ट पानीले बगाएपछि पुल भाँचिएको हो ।
प्रमुख जिल्ला अधिकारी रुद्रनाथ देवकोटाले एक महिनाअघि नै पुल बांगिएको बताए । उनका अनुसार गाउँपालिका अध्यक्ष कान्छा घले सहित आफुहरूले स्टिलहरू झिकेर राख्न निर्माण कम्पनीलाई भनेको तर अटेरी गरेको हुनाले बर्षायाममा पुल खसेको हो ।
क्याराभान कन्स्ट्रक्सनका प्रोजेक्ट म्यानेजर रामकृष्ण कोन्डाले भने ‘स्टिलको काम पूरा हुनै लागेको थियो,’ निर्माणकै क्रममा अचानक पुल भत्किन गएको हो । उनी भन्छन्, ‘पुल लच्किएको जानकारी आउने बित्तिकै कामदारलाई जोड्ने सामग्रीसहित पठाएका थियौं । म्यार्दी खोलामा पुल बगाएपछि सामान लैजान नसक्दा काम गर्न पाइएन ।’ मोटरेवल पुल भत्किएपछि ङिस्याङ– ४, हुम्डेबाट ङिस्याङ–३, ङावलसम्म मोटर पुराउने लक्ष्यमा समेत विश्राम लागेको छ ।
पुल निर्माणको लागि काठमाडौस्थित निर्माण कम्पनी ग्याल्वा क्याराभान कन्स्ट्रक्सन जेभीले २०७३ सालमा तत्कालीन जिल्ला विकास समिति मनाङसँग सम्झौता गरेको थियो । २०७५ चैतबाट पुल अनुगमनको जिम्मा पूर्वाधार विकास कार्यालयले लिएको थियो । पुल २०७५ मंसिर १५ गतेसम्म सक्नुपर्ने थियो । ३५ मिटर लम्बाइ र साढे ४ मिटर चौडाइको पुल खस्दा ५० देखि ६० लाख रुपैयाँसम्म क्षति भएको पराजुलीले बताए ।
उनका अनुसार पुलमा समस्या आएपछि २ महिनाअघि नै सचेत गराएको बताए । पुलमा समस्या आएको जानकारीपछि कामदार १५ दिन अगावै गएको पुर्वाधार विकास कार्यालयका सिनियर डिभिजन इन्जिनियर राम पराजुली बताउँछन् । उनले भने ‘सम्झौता अनुसार मस्र्याङ्दीमा पानीको बहाव बढेको र हिउँदमा लगाएको टेको पानीले खोतलेपछि धान्न नसकेर पुल झरेको हो ।’
Related News
सम्बन्धित समाचार
कागबेनीमा कलेजको बस दुर्घटना, २१ घाइते
पोखराको मालेपाटनमा डिभाइडरमा ठोक्किएर कार दुर्घटना
कालीगण्डकीमा बेपत्ता बौदीकाली २ दिदीबहिनीको शव फेला
सेतीको खोंचबाट सशस्त्र प्रहरीको गोताखोरले निकाल्यो युवकको शव
अछाममा आगलागी हुँदा २ नाबालकको मृत्यु
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१