पोखरा उद्योग वाणिज्य संघ तथा औद्योगिक व्यवसाय विकास प्रतिष्ठानबाट संयुक्त रुपमा आयोजित उद्यमशीलता तालिम बुधबार सम्पन्न भएको छ। एघार दिनसम्म चलेको तालिममा कास्कीसहित देशका विभिन्न भागका ३२ जना प्रशिक्षार्थीको सहभागिता थियो।
व्यवसायका सम्भावना खोज्दै व्यक्तिलाई उद्यमशील बनाउनु तथा उद्यमशीलताको माध्यमबाट स्वरोजगार र पछि रोजगारी सृजना गर्नु तालिमको उद्देश्य रहेको थियो।
समापनमा बोल्दै पोखरा उद्योग वाणिज्य संघका अध्यक्ष दामु अधिकारीले एउटा व्यक्तिको कमाईमा निर्भर रहने प्रवृत्ति अन्त्यको लागि सामूहिक पहल थालिनुपर्नेमा जोड दिए। उनले सके कमाउने र नसके पनि आफूलाई बाँच्न पुग्ने आम्दानी गर्न सके त्यसले आत्मविश्वास बढाउनुका साथै परिवारको बचत क्षमता पनि वृद्धि हुने धारणा राखे। पोखरा उद्योग वाणिज्य संघले प्रमाणपत्र बाँड्न र फोटो खिचाउन तालिम आयोजना नगर्ने प्रष्ट पार्दै उनले तालिमको व्यवहारिक प्रयोग गर्न सहभागीसँग आग्रह गरे।
‘तपाईँहरुले यो तालिममा सिकेका कुरा व्यवहारमा उतार्ने जमर्को गर्नुभयो भने हामी त्यसपछि आवश्यक पर्ने दक्षता अभिवृद्धि र लगानीको क्षेत्रमा पनि सघाउन सक्छौँ’अध्यक्ष अधिकारीले भने, ‘एउटै व्यक्तिले सबै काम गर्छु भन्ने नसोच्नुहोस् बरु कुनै आफूले उत्पादन गर्ने सामान अन्य उत्पादनलाई सहायक हुनेबारे पनि ध्यान दिनुहोस्। ’
औद्योगिक व्यवसाय विकास प्रतिष्ठान गण्डकीका कामु निदेर्शक रामप्रसाद तिवारीले उद्यमशीलताको लागि लगन र समर्पण जरुरी भएको बताए।
संघ उपमहासचिव तथा तालिम व्यवस्थापन उपसमिति संयोजक चीनु गुरुङले रोजगारी सृजना नै उद्योग वाणिज्य संघको लक्ष्य भएको बताउँदै बजारको माग हेर्दै सो क्षेत्रमा दक्षता हासिल गर्नुपर्नेमा जोड दिइन्।
तालिम प्रशिक्षक तथा औद्योगिक व्यवसाय विकास प्रतिष्ठानका वरिष्ठ अधिकृत समिता श्रेष्ठले तालिमले बाटो मात्र देखाउने र बाटोमा हिँड्ने काम भने आफैले गर्नुपर्ने भन्दै प्रशिक्षार्थीलाई रचनात्मक बन्न सुझाव दिइन्।
प्रशिक्षार्थी तनहुँ बन्दीपुरका आसित बिकले थप तालिमको अपेक्षा गरे।
अर्की प्रशिक्षार्थी अस्मिता गुरुङले तालिमले केही गरौँ भन्ने भावना जगाएको बताइन्।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१