गण्डकी प्रदेशले प्रधानमन्त्री राष्ट्रिय एक दिवसीय क्रिकेट प्रतियोगितामा ७ विकेटले हार व्यहोरेको छ। पारस खड्का कप्तान रहेको प्रदेश ३ ले मंगलबार गण्डकीलाई पराजित गरेको हो।
जितसँगै प्रदेश ३ ले लगातार दोस्रो जित हात पारेको छ। पहिलो खेलमा एपीएफसँग ४१ रनले पराजित भएको प्रदेश ३ ले सोमबार प्रदेश ५ लाई ६ विकेटले पराजित गरेको थियो।
मंगलबार त्रिवि क्रिकेट मैदानमा टस जितेर पहिला ब्याटिङ थालेको गण्डकी ३०.१ ओभरमा अल आउट हुँदै १ सय ८ रनमा समेटियो। उसका लागि सुमन घिमिरेले ३२ बलमा ३ छक्का र १ चौका सहित ३४ रनको योगदान दिए। त्यस्तै, आकाश थापाले ४६ बलमा २ चौकासहित २८ रन जोड्न बाहेक अन्य कुनैपनि ब्याट्सम्यानले राम्रो प्रर्दशन गर्न सकेनन्।
एक समय ५० – ६ को स्थितिमा रहेको गण्डकीलाई सुमन र आकाशको ५३ रनको साझेदारीले उकासेको थियो। प्रदेश ३ को कसिलो बलिङ सामु गण्डकीका ८ ब्याट्सम्यानले दोहोरो अंकमा रन बटुल्न सकेनन्। अनिल गुरुङ ७, विधान श्रेष्ठ २, मेख शेन ५, विशाल पौडेल डक र कप्तान गोविन्द प्रधान ३ रनमा आउट भए।
प्रदेश ३ का कप्तान पारस खड्काले ८ ओभरमा १ मेडनसहित १८ रन खचेर्र ४ विकेट लिए। त्यस्तै, युवा स्िपनर सूर्य तामाङले ८.१ ओभरमा १ मेडनसहित २९ रन खचेर्र ४ विकेट लिएपछि गण्डकी सस्तैमा समेटिएको हो। नन्दन यादवको नाममा २ विकेट रह्यो।
१ सय ९ रनको सामान्य लक्ष्य पाएको प्रदेश ३ ले २२.२ ओभरमा ३ विकेटको क्षतिमा पूरा गर्यो। उसका लागि आदिल खान ५३ बलमा ५ चौका सहित ३८ रनमा नट आउट रहे। त्यस्तै, चौका हान्दै खेल सकाएका ईशान पाण्डेले ४० बलमा ४ चौकासहित २६ रनमा अविजित रहे।
सातौं ओभरको पहिलो बलमा किशोर महतोले ओपनर रित गौतमलाई २० रनमा बोल्ड आउट गरे। रितले २२ बलमा ४ चौका प्रहार गरे। त्यसै ओभरको पाँचौ बलमा महतोले आफैं क्याच लिदै अर्का ओपनर रविन जोशीलाई ११ रनमा पेभिलिएन फर्काए।
विपिन खत्रीले अभिषेक बस्नेतलाई ८ औं ओभरको दोस्रो बलमा ५ रनमा बोल्ड आउट गरेपछि ४१ – ३ को अवस्थामा पुगेको प्रदेश ३ लाई ईशान र आदिलले चौथो विकेटका लागि ७१ रनको अविजित साझेदारी गर्दै सहज जित पक्का गरे। गण्डकीको लागि किशोर महतोले २ र विपिन खत्रीले १ विकेट हात पारे।
आर्मी सेमीफाइनलमा
त्रिभुवन आर्मी सेमिफाइनलमा प्रवेश गरेको छ। लगातार तेस्रो जित निकाल्ने क्रममा आर्मीले कर्णाली प्रदेशलाई १ सय १७ रनले हरायो।
मूलपानी मैदानमा टस हारेर पहिले ब्याटिङको निम्तो पाएको आर्मी ओभरमा ९ विकेट गुमाउँदै २ सय ९० रन बनायो। बलियो साझेदारी गरेको आर्मीले पहिलो विकेटका लागि १ सय ३२ रनको साझेदारी गरेको थियो। ओपनर हरीशंकर झाले ५२ रन बनाए भने राजु रिजालले ६६ रनको योगदान गरे। रोहितकुमार पौडेलले ५६ रन बनाए भने हरी चौहानले ११ रन थपे। करण केसीले २८ रन बनाए। राम्रो सुरुवात गरेपनि उसका मध्यक्रममका खेलाडी सस्तैमा आउट भए। १ सय ६९ रन बनाउँदा ५ विकेट गुमाएको आर्मीले २ सय ५८ रनमा नौ विकेट गुमायो। अन्तिममा साहव आलम र ललित चन्दले १६/१६ रनको योगदान गरे। बलिङमा ललित प्याकुरलेले ५ विकेट लिए।
जवाफमा कर्णाली प्रदेश ३५ ओभर १ बलमा १ सय ७३ रनमा अल आउट भयो। कमजोर सुरुवात गरेको उसले १८ रनमा पहिलो विकेट गुमाएको थियो। त्यसपछि २३ रनमा दोस्रो किवेट खेर फाल्दा ७१ रनमा ६ विकेट गुमायो। जसमा सुसन थापाले सर्वाधिक ३१ रन बनाए। दिवन पुनले २६ तथा कप्तान रविन्द्र शाहीले १३ रन बनाए।
यस्तै, दिनेश अधिकारीले ११ रन थप्दा अरु खेलाडी एकपछि अर्को रुपमा आउट भए। अन्तिममा ललित प्याकुरेलले २८ रन जोडे। कर्णालीलाई कमजोर पार्न सुसान भारीले ५ ओभरमा २३ रन खर्चिएर ४ विकेट लिए। करन केसीले २ विकेट लिए। जितसँगै अतार्मीले ३ खेलमा ६ अंक बनाउदै समुह बी बाट सेमिफाइनलमा पुगेको हो।
Related News
सम्बन्धित समाचार
महेन्द्रपुल युथ क्लब आयोजनामा बास्केटबल प्रतियोगिता हुने
को होला उत्कृष्ट प्रशिक्षक ?
उत्कृष्ट खेल संघ वा क्लबतर्फको अवार्ड सहारालाई
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१