स्याङ्जा, २ वैशाख। भीरकोट नगरपालिका–९, कालिकाकोटस्थित गडहरे गुफाको अध्ययन अवलोकन गरिएको छ।
नगरपालिकाले नयाँ वर्षको पहिलो दिन पारेर गुफामै पत्रकार सम्मेलनसहित अध्ययन अवलोकनको व्यवस्था मिलाएको हो। कार्यक्रममा गण्डकी प्रदेश सांसद मेखलाल गुफाको संरक्षण र सम्बद्र्धन गर्दै पर्यटकीय गन्तव्यका लागि आवश्यक पूर्वाधार निर्माणमा सहयोग गर्ने बताए।
यसै वर्षदेखि सो स्थलको गुरुयोजना निर्माण गरी भूगर्भविद्सँग समन्वय गर्दै सो स्थललाई नमूना पर्यटकीय स्थल निर्माण गर्न र सडक निर्माणमा सहयोग गर्ने सांसद् श्रेष्ठले जोड दिए। ‘ओखतीपानी होमस्टे र गुफालाई जोड्दै पर्यटक भित्रयाउन स्थानीय तह र प्रदेश सरकारले हातेमालो गर्दै अघि बढ्ने हो, ’ सांसद श्रेष्ठले भने।
कार्यक्रममा प्रदेश सांसद भागवत्प्रकाश मल्ल, युवा नेता विष्णुप्रसाद पौडेल र गोवबन्द कर्माचार्य, भीरकोट नगरसभापति तोयनाथ अर्याल, पत्रकार महासंघ स्याङ्जा अध्यक्ष ओमप्रकाश शर्मा, नेकपाका नेता डोलराज ढुंगााना, नगर प्रवक्ता दीपेन्द्र केसी, वडा अध्यक्षहरु चन्द्रबहादुर बस्नेत, भीम गुरुङ लगायतले गडहरे गुफा प्रचार प्रसारको अभावमा ओझेल परेको बताउँदै सो क्षेत्रलाई पर्यटकीय गन्तब्यसंगै जोडेर अघि बढाउनु पनेर्मा जोड दिए।
भीरकोट नगर प्रमुख छायाराम खनालले प्रकृतिको अनुपम वरदान भीरकोटले पाएको बताउँदै गुफा परिसरमा पार्क निर्माण गरी यातायात, बिजुली, पानी होटल तथा रेष्टुरेन्ट लगायत होमस्टेको प्रवद्र्धनको तयारीमा जुटेको जानकारी दिए।
झण्डै २५ वर्षअघि पत्ता लागेको गुफाभित्र पानीका पोखरी, विभिन्न आकृतिका बनोट, चमेरा लगायतको बासस्थान छ। गुफाभित्र कतै साँघुरा गल्ली त कतै फराकिला बाटाहरु समेत रहेको भीरकोट नगरउपप्रमुख सीमा क्षेत्रीले बताइन्। झण्डै एक किलोमीटर लम्बाईको गुफा रहेको अनुमान गरिएको छ। भीरकोट नगरपालिकाले गुरुयोजना तयार गरी गुफा संरक्षणमा जुटेको छ। गुफा वरपरका क्षेत्रलाई तारबार गरिएको छ भने गुफाभित्र जानका लागि भ¥याङ्को पनि व्यवस्था गरिएको छ।
पत्रकार सम्मेलनको सहजीकरण पत्रकार एशिवशरण महतले गरेका थिए। भीरकोट नगरपालिका बयरघारी बजारदेखि झण्डै ९ किलोमीटर कच्ची बाटोको यात्रापछि गुफामा पुग्न सकिन्छ। गुफामा जानका लागि मोटरबाटोको पहुँच पुगेको छ।
पहिलो दिनमा झण्डैं ५ सय जनाले गुफाको अवलोकन गरेका थिए। सोमध्ये ५० जना गुफाभित्रै पुगे।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१