चिप्लेढुङ्गा, १३ फागुन । गण्डकी प्रदेशका मुख्यमन्त्री पृथ्वीसुब्बा गुरुङले गण्डकी प्रदेश बालमैत्री प्रदेश हुने बताएका छन् ।
सामाजिक विकास मन्त्रालय गण्डकी प्रदेशले आइतबार पोखरामा आयोजना गरेको प्रदेशस्तरीय दुईदिने बालभेला एवं बालपरिषद् गठन कार्यक्रममा मुख्यमन्त्रीले अब प्रदेशका हरेक संरचना बालमैत्री हुने बआश्वासन दिएका छन् ।
बालअधिकारको प्रत्याभूतिका लागि गण्डकी प्रदेश सरकार निकै सर्तक रहेको बताउँदै बालबालिकामाथि बढिरहेको दुव्र्यहार न्यूनीकरणका लागि प्रदेश सरकारले छुट्टै नीति निर्माण गरेर कार्यान्वयन गर्ने उल्लेख गरे । मुख्यमन्त्रीले मदिराको अनियन्त्रित व्यापारका कारणले बालबालिकामाथि हिंसा बढिरहेको भन्दै मदिरा नियन्त्रणको नीति बनाउन आश्वासन दिए ।
हाल प्रदेशमा ९३ प्रतिशत बालबालिका शिक्षाको पहुँचमा रहेको भन्दै बाँकीलाई पनि शिक्षाको पहुँचभित्र ल्याइने बताए । सो अवसरमा अपाङ्ग महासङ्घका प्रतिनिधि खुमराज शर्माले बालमैत्री संरचनासँगै अपाङ्गमैत्री संरचना निर्माण गर्नुपर्नेमा जोड दिए ।
सामाजिक विकास मन्त्रालयका निमित्त सचिव नारायण आचार्यले गण्डकी प्रदेशका ११ जिल्लाबाट ४४ बालक्लबका बालबालिकाको सहभागिता रहेको र प्रदेशस्तरीय बाल परिषद्को गठन हुने जानकारी दिए ।
सोही अवसरमा माघ १२ देखि २१ गतेसम्म पाकिस्तानमा सम्पन्न प्रथम टी —ट्वान्टी अन्तराष्ट्रिय दृष्टिविहीन महिला क्रिकेट प्रतियोगिताका विजेतालाई सामाजिक विकास मन्त्रालयले नगद पाँच लाख सम्मानस्वरुप प्रदान गरेको थियो । कार्यक्रममा बालक्लब भाइबहिनी बालविवाहसम्बन्धी सचेतनामूलक नाटकसमेत प्रदर्शन गरिएको थियो ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१