पोखरा, २० माघ।गण्डकी प्रदेशको दक्षिणी सिमानामा रहेको छोटी भन्सारमा सुरक्षा प्रबन्ध मिलाईदिन गण्डकी सरकारले नेपाल सरकारसँग आग्रह गरेको छ। आइतबार बसेको मन्त्रीपरिषद् बैठकबाटै आवश्यक सुरक्षा ब्यवस्थाका लागि केन्द्र सरकारसँग माग गर्ने निर्णय गरिएको हो। ‘भन्सार खुलाउन पहिले नै आग्रह गरिसकेका छौं।
त्यसको कुनै प्रतिक्रिया आएको छैन, सरकारका प्रबक्ता रामशरण बस्नेतले भने–तत्कालका लागि त्यस क्षेत्रको सुरक्षा र केही आवश्यक कर्मचारी ब्यवस्था गरिदिन माग गरेका छौं।’
गण्डकी प्रदेशको प्रदेश मामिला समितिले पुस ६ गते दक्षिणी नाकाको भ्रमण गरेको थियो। सोही समितिको प्रतिबेदनका आधारमा इलाका स्तरीय जनपथ र सशस्त्रको युनिट ब्यवस्था गरिदिन सरकारले माग गरेको हो। सरकारले प्रहरी र कर्मचारीको संख्या भने तोकेको छैन। यो भन्सारमा अहिले सामान्य आवातजावत भएपनि ब्यापारिक हिसावले माल सामान आयात निर्यात गर्ने र भन्सार उठाउने काम भएको छैन।
यसैबीच, प्रदेश सरकार गठन भएको १ बर्ष पुगेको अवसरमा सरकारले विशेष कार्यक्रम सहित फागुन ३ गते बार्षिकोत्सव मनाउने भएको छ। यसका लागि अर्थमन्त्री किरण गुरुङको संयोजकत्वमा ५ सदस्यीय कार्यक्रम आयोजक समिति गठन गरिएको छ। त्यस दिन उत्कृष्ट कर्मचारी सम्मान सहित अन्य विविध कार्यक्रम गरिने प्रबक्ता बस्नेतले बताए।
बैठकले सरकारको खर्च मापदण्ड निदेर्शिका समेत स्विकृत गरेको छ। योसँगै अव सरकार र मातहतका निकायले खर्च गर्दा कुन कार्यक्रममा कति खर्च गर्ने स्पष्ट खाका तयार भएको छ। प्रदेश विकास स्वयंसेवक परिचालन कार्यविधि पनि पारित भएको छ।
सरकारले प्रदेशभित्रका ११ वटै जिल्लामा १ सय ३६ जना स्वयंसेवक परिचालन गर्न पाउनेछ। तर यसका लागि सरकारसँग माग गर्नुपर्छ।
‘डिमाण्डका आधारमा स्वयंसेवक परिचालन गर्ने हो। उनीहरूले तलव समेत पाउँछन्, बस्नेतले भने–जिल्ला अनुसार कोटा फरक छ। यस्ता स्वयंसेवक बढीमा २ वर्षका लागि नियुक्त हुन्छन्।’
Related News
सम्बन्धित समाचार
क्षत्री समाज नेपालमा पोखराका रिव, महासचिवमा कृष्ण
यस्तो छ लगानी सम्मेलनको कार्यतालिका
बुढ्यौलीमा भेडीगोठ मोह
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
hero news full width
मुख्य समाचार
बुटवल पावर कम्पनीले ल्यायो विद्युत् महसुल बढाउने प्रस्ताव
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१