पोखरा, २२ पुस । रोटरी क्लब अफ पोखरा लेकसाइडको तेस्रो चार्टर नाइट सम्पन्न भएको छ । जनवरी ५ मा स्थापित रोटरी पोखरा लेकसाइडका चार्टर प्रेसिडेन्ट सुन्दरकुमार श्रेष्ठ हुन् ।

कार्यक्रममा चार्टर प्रेसिडेन्ट श्रेष्ठ, क्लब प्रेसिडेन्ट जयराम पौडेल, प्रेसिडेन्ट इलेक्ट घराना थकाली, प्रेसिडेन्ट नोमिनी अर्जुन खनाल, सल्लाहकार विनोद कोइरालाले चार्टर नाइड डे अवसरमा केक काटेका थिए ।

कार्यक्रममा बोल्ने वक्ताले क्लबले आगामी दिनमा निर्माण गर्न लागेको रोटरी किड्नी केयर सेन्टरको आवश्यक प्रक्रिया अघि बढाउने प्रतिबद्धता व्यक्त गरेका छन् ।

पोखरा बिरौटामा साढे २ करोड रुपैयाँ लागतमा सो किड्नी केयर सेन्टर निर्माण गरिने योजना रहेको क्लब प्रेसिडेन्ट पौडेलले जानकारी दिए ।

क्लब प्रेसिडेन्ट जयराम पौडेलको अध्यक्षतामा भएको कार्यक्रममा सल्लाहकार विनोद कोइराला, चार्टर प्रेसिडेन्ट सुन्दरकुमार श्रेष्ठ, प्रेसिडेन्ट इलेक्ट घराना थकाली, प्रेसिडेन्ट नोमिनी अर्जुन खनाल, रोटरियन रोहितराज बास्तोलालगायतले बोलेका थिए । क्लबले हालैमात्र नेपाल रेडक्रस सोसाइटी कास्कीलाई एम्बुलेन्स सहयोग गरेको छ । क्लबमा हाल ५२ जना सदस्य छन् ।