पोखरा, २७ कात्तिक । मुस्ताङ बाह्रगाउँ मुक्ति क्षेत्र गाउँपालिका-३, छुसाङकी फुडोमा गुरुङको जीवनमा ठूलो बज्रपात पर्यो । जब उनले बुढेशकालको एकमात्र सहारा १६ वर्षीय छोरा तेञ्जिङ निमा गुरुङको दुवै मृगौला फेल भएको चिकित्सकबाट थाहा पाइन् ।
गाउँमै दुःखजेलो गर्दै छोरा हुर्काउँदै गरेकी उनको लागि ठूलो धनराशी खर्च गरेर उपचार गर्ने उपाय नै थिएन । अर्काको घरमा काम गर्दै छोरालाई भारत हिमाञ्चलस्थित एक तिवेतियन विद्यालयमा पढाउँदै थिइन् ।
“पाँच महिना भयो कक्षा ९ मा पढ्दै गरेको छोरा अहिले पोखरा आफन्तको घरमा राखेर डायलोसिस गराउँदैआएकी छु,” उनी भन्छिन्-“अब छोराको लागि आफ्नै किड्नी दिएर जीवन बचाउने सोचेकी छु ।” किडनी ट्रान्सप्लान्ट गर्न ठूलो धनराशी खर्च हुने भएपछि उनी यसअघि निकै हच्किएकी थिइन् । तर सहयोगका लागि गाउँले नै जुरुक्क उठे । अमेरिका, बेलायत, फ्रान्स, जापान, कोरिया लगायतबाट सहयोगको आइरो नै लाग्यो, उपचारका लागि करिब ६० लाख रुपैयाँ संकलन भयो ।
पोखरास्थित छुसाङ समाज मुस्ताङका कोषाध्यक्ष अशोक गुरुङ भन्छन्-“यस्तो किडनी फेल भएको हाम्रो गाउँको लागि नयाँ घटना हो, फेरि गरीब परिवार पनि भएकोले सबैको मन छोएको छ । यति ठूलो सहयोग रकम उठ्ला भन्ने कसैले नसोचेको उनको भनाइ छ । अमेरिकास्थित माथिल्लो मुस्ताङीहरुको संस्था मुस्ताङ किडुग संस्थाको पहलमै करिब ३३ लाख संकलन भएको हो । अमेरिकामा बस्ने नेपालीहरुले उनको उपचारका लागि खुलेर सहयोग गरेका छन् ।
तेञ्जिङको उपचारका लागि छुसाङ चारगाउँ समाज अमेरिका, मुस्ताङ एफसी प्रेसिडेन्ट अमेरिकाका दावा दोजो गुरुङ, हिमालयन याकका म्यानेजर बाबुराम गुरुङ, अमेरिकास्थित आङ देजेन शेर्पा, कर्मा गुरुङ, गिभिङ इज लभ तिवेतेन यूवर संस्था अमेरिका लगायत अन्य नेपाली सहयोगीबाट करिब ३३ लाख रकम उपचारका सहयोगार्थ खोलिएको मेगा बैंकको खातामा जम्मा गरिएको छ ।
प्राप्त रकम पोखरास्थित छुसाङ चार गाउँ समाजका अध्यक्ष श्यामलाल गुरुङ र कोषाध्यक्ष अशोक गुरुङले तेञ्जिङ र उनकी आमा फुडोमालाई संयुक्त हस्तान्तरण गरे । तेञ्जिङका लागि देशविदेशबाट सहयोग गर्ने सबैलाई आभार समेत व्यक्त गरे। तेञ्जिङको थप उपचारका लागि काठमाडौं पठाइने तयारी समेत भएको जनाइएको छ ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१