बुटवल, २४ कात्तिक। प्रदेश ५ को स्थायी राजधानी र नामकरणका लागि सिफारिस गर्न गठित संसदीय समिति औपचारिकतामा सीमित भएपछि यो मुद्दा पेचिलो बन्दै गएको छ। मूल विषयमा छलफल नै नगरी समितिको ३ महिनाको समय त्यत्तिकै गुज्रेको छ।
प्रदेश सरकारले सो विषयमा खासै चासो नै नदिएको कतिपय प्रदेश सांसदहरुले गुनासो गर्न थालेका छन्। सहमति या त दुर्इतिहाई मतबाट विषयको छिनोफानो गर्नुपर्नेमा सरकार नै उदासीन रहेको उनीहरुको तर्क रहेको छ। गत साउन २४ गते ३ महिनाका लागि गठन भएको समितिले निर्धारित समयमा एउटा परिचयात्मक र एउटा सामान्य छलफलको बैठक बाहेक केही गर्न सकेन।
निर्धारित समयमा कुनै काम नगरेपछि स्थायी राजधानी र नामकरणको विषयलाई केही समय धकेल्न समिति गठन गरीएको हो कि भन्ने आशंका उठेको छ।
समितिले ३ महिनामा कार्यविधि बनाउन र संयोजक समेत तोक्न सकेन। समितिको संयोजक नै नभएकाले २ वटा बैठक ज्येष्ठ सदस्य सरस्वती गौतमको अध्यक्षतामा बसेका थिए। पहिलो बैठकमा सामान्य परिचयमात्रै भएको र दोश्रो बैठकमा प्रदेश सभा सचिवालले तयार गरेको समितिको कार्यविधिको मस्यौदामा सामान्य छलफल भएको थियो।
मुख्यमन्त्री शंकर पोखरेलको कार्य व्यस्तताले कार्यविधि सम्बन्धमा व्यापक छलफल हुन र पारित हुन नसकेको समितिका ज्येष्ठ सदस्य गौतमले जानकारी दिइन्।तीन महिनाभित्र प्रदेशको स्थायी राजधानी र नामकरण प्रतिवेदन तयार गरी सभामुखलाई बुझाउने अधिकार पाएको समितिमा रुपन्देहीका तुल्सीप्रसाद चौधरी र रमा अर्याल, कपिलवस्तुका विष्णुप्रसाद पन्थी र सहर्षराम यादव अर्धाखाँचीका निर्मला क्षेत्री, कल्पना पाण्डे र चेतनारायण आचार्य, गुल्मीका दिनेश पन्थी, पाल्पाका वीरबहादुर राना र नारायणप्रसाद आचार्य, दाङका सरस्वती गौतम, प्यूठानका तारा जिसी, रोल्पाका दीपेन्द्रकुमार पुन, बर्दियाका दीपेश थारु र भुवनेश्वर चौधरी सदस्य थिए ।
Related News
सम्बन्धित समाचार
दुर्घटना न्यूनीकरण गर्न ट्राफिक सप्ताह
नेपालकै ठूलो ‘हटमिक्स प्लान्ट’ बाट कालोपत्रे गरिँदै
कांग्रेस गण्डकीको भवन असोज अगावै सम्पन्न गरिने
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
दुर्घटना न्यूनीकरण गर्न ट्राफिक सप्ताह
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१