पोखरा, ७ जेठ। नेपाल मुस्लिम संघ कास्कीले जिल्ला प्रशासन कार्यालय कास्की मार्फत प्रधानमन्त्रीलाई ज्ञापनपत्र पठाएको छ। संघले विभिन्न ६ बुँदे माग सहितको ज्ञापनपत्र जिल्ला प्रशासन कार्यालय कास्की मार्फत प्रधानमन्त्रीलाई पठाएको हो।
नेपाल मुस्लिम संघ कास्कीका अध्यक्ष हारुन खान पैठानले कास्कीका प्रमुख जिल्ला अधिकारी तारानाथ अधिकारीलाई ज्ञापनपत्र बुझाएका थिए। ज्ञापनपत्रमा मुस्लिम समुदायका महान पर्वहर्रु इद, बकरइद र हजरत मुहम्मद जयन्तीमा सार्वजनिक बिदा घोषणा गर्नुपर्ने, परम्परादेखि भोगचलन गर्दैआएका कब्रस्थानलाई दर्ता गराई निस्सा प्रदान गर्नुपर्ने, मुस्लिमको प्रतिशत अनुसार क्लष्टर छुट्याई विज्ञापन गर्नुपर्ने माग गरिएको छ।
त्यस्तै, सरकारले रोकेको मदरसा दर्ता र अनुदान तत्काल फुकुवा गरी मुस्लिम बालबालिकालाई शिक्षा हासिल गर्ने वातावरण बनाउन, सरकारी तथा अर्धसरकारी निकायमा राजनीतिक नियुक्ति गर्दा मुस्लिम समुदायको प्रतिनिधित्व गराउन र मुस्लिम आयोग तत्काल क्रियाशील बनाउन माग गरिएको छ।
ज्ञापनपत्रमा वर्तमान सरकारमा १ जना पनि मुस्लिम नअटाउनुले गठबन्धन सरकार मुस्लिमविरोधी रहेको निष्कर्ष सहित मुस्लिम संघ केन्द्रीय कार्यसमितिको वैशाख ३ गतेको बैठकले माग पूरा गर्न तथा हक, अधिकार सुनिश्चितताका लागि जेठ ७ गतेदेखि आन्दोलन गर्ने निर्णय गरेको थियो।
‘आन्दोलनको स्वरुप नै ज्ञापनपत्र बुझाएका हौं,’ संघ कास्कीका अध्यक्ष हारुन खान पैठानले भने, ‘समयमा नै हाम्रो माग र अधिकारप्रति सरकार गम्भीर बनोस् भन्ने चाहन्छौं।’
Related News
सम्बन्धित समाचार
मुख्यमन्त्री अधिकारीविरुद्धको रिट खारेज
गण्डकी प्रदेश प्रहरी दुर्गा सिंहले सम्हालिन जिम्मेवारी
गण्डकीका ४ सय ६७ स्थानमा डढेलो
बझाङ प्रदेशसभा–१ मा एमालेका भण्डारी विजयी
बिपिसीले ल्यायो विद्युत् महसुल बढाउने प्रस्ताव
hero news full width
मुख्य समाचार
कक्षा १२ को प्रश्नपत्र आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१