पोखरा, १२ फागुन । प्रदेश ४ का मुख्यमन्त्री पृथ्वीसुब्बा गुरुङले प्रदेशको विकास र समृद्धिका लागि निजी क्षेत्रसँग सहकार्य गरेर अगाडि बढ्ने प्रतिबद्धता जनाएका छन् ।
नेपाल उद्योग वाणिज्य महासंघ र नयाँ पत्रिका दैनिकले पोखरामा आइतबार आयोजना गरेको आर्थिक बहस कार्यक्रमलाई सम्बोधन गर्दै उनले विकासका मामिलामा निजी क्षेत्रसँगै अगाडि बढ्न तयार रहेको उल्लेख गरे ।
‘प्रदेश संरचना सबै जिरो ग्राउण्डमा छ । कसैले पनि बिगारेको छैन’, उनले भने-‘यसलाई हामीले चाहेजस्तो बनाउन सक्छौं । कस्तो बनाउने तपाईंहरुले सुझाव दिनुस् ।’
उनले प्रदेश ४ को समृद्धिको निर्विकल्प आधार कृषि, पर्यटन र जलश्रोत भएको भन्दै खनिज उद्योगलाई पनि जोड्न सकिने बताए । सरकारले सबै हिसाबको सहयोग गर्ने गुरुङको प्रतिबद्धता छ । ‘तपार्इंलाई आइपरेका सबै जटिलता फुकाउन सरकार तयार छ । तपाईंहरुको लगानीको सुरक्षा अब सरकारले गर्छ, उनले थपे-‘तपाईंहरु नयाँ सम्भावनामा लगानी बढाउनुस् । समृद्धिका लागि सरकारलाई सघाउनुस् ।’ उनले व्यवसायमा हुने कुनै पनि गुण्डागर्दी क्षम्य नहुने भन्दै यसको अन्त्य तत्कालै हुने बताए ।
मुख्यमन्त्री गुरुङले उत्तर दक्षिण कोरिडोर बनाएर दुर्इ देशको आर्थिक ट्रान्जिटको रुपमा प्रदेश ४ लाई प्रयोग गरिने बताएका छन् ।
कार्यक्रममा डा गोविन्दबहादुर थापाले प्रदेश ४ को आर्थिक तथा व्यावसायिक सम्भाव्यता र विकासका प्राथमिकताबारे कार्यपत्र प्रस्तुत गरेका थिए ।
प्रदेश ४ हरेक हिसाबले औसत रहेको भन्दै उनले यसको विकासका लागि नयाँ संरचनाको प्रदेश सरकारलाई अवसर बढिरहेको बताए । यस प्रदेशलाई पर्यटन मार्फत समृद्ध बनाउन सकिने भन्दै उनले पर्यटन विकासका केही आधार पनि प्रस्तुत गरे ।
कार्यक्रममा नेपाल उद्योग बाणिज्य महासंघ अध्यक्ष भवानी राणाले निजी क्षेत्र सरकारलाई सघाउन तयार रहेको उल्लेख गरिन् । अहिलेसम्म अँध्यारोमा लगानी गरेर जबर्जस्त यो अवस्थामा ल्याएको भन्दै उनले अब सही ठाउँको पहिचान गरेर लगानी बढाउनेमा निजी क्षेत्र क्रियाशील रहने बताइन्।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१