समाजसेवी सविन जिसीले शनिवार सोही समारोहबीच विभिन्न संस्थाका लागि झण्डै सात लाख सहयोग गरेका छन्। उनले अपाङ्गता स्वावलम्बन समाज लामाचौरद्वारा सञ्चालित बौद्धिक अपाङ्गता दिवा सेवा केन्द्रका लागि २५ हजार, सहरडहर बहुउद्देश्यीय सामुदायिक भवन निर्माणका लागि एक लाख, कालिका बहुउद्देश्यीय समाजघरका लागि पाँच हजार सोही समारोहबीच प्रदान गरे। यसैगरी सिमान्तकृत समुदायको उन्नयनका लागि विविध कार्य गर्ने उद्देश्यले स्थापना गर्न लागिएको एस फाउण्डेशनका लागि हाल पाँच लाखको अक्षयकोषको घोषणा गर्दै जिसीले मानव जन्मभूमि, राष्ट्र र समाजका लागि केही गर्नका लागि जन्मेको सामाजिक प्राणी भएकाले आफूले त्यो कर्तव्य पूरा गर्ने प्रयत्नमा लागेको बताए।

स्मरण रहोस्, यशकुमारी जिसी पुरस्कार उनै जिसीको परिवारद्वारा स्थापित अक्षयकोषबाट सञ्चालित पुरस्कार हो । २०१४ कार्त्तिक १३ गते पोखराको लामाचौर-१९ मा जन्मेकी यश कुमारी जिसी तत्कालीन महिला तथा बालबालिका मन्त्रालय अन्तरगतको महिला तथा बालबालिका विकास कार्यालयको अधिकृतका रूपमा स्याङ्जाको वालिङमा कार्यरत रहँदा २०४५ फागुन १ गतेका दिन स्वर्गारोहण भएको थियो।