काठमाडौं । मुक्तक साधनामा २ दशकदेखि क्रियाशील सबी श्रेष्ठको कृति ‘अपरिभाषित आभा’ शनिबार काठमाडौंमा लोकार्पण गरिएको छ । आवरण प्रकाशनले प्रकाशित गरेको मुक्तक कृति पकेट साइजमा मल्टिकलरमा सचित्र छापिएको छ । पुस्तकमा १०१ मुक्तक समेटिएका छन् ।
बेलायत हुँदै पोर्चुगल पुगेकी मुक्तककार श्रेठले घरदेश आएको मौका छोपी सो कृति प्रकाशन गरेकी हुन् ।
लोकार्पण समारोहमा प्रमुख अतिथि उषा शेरचन लगायतले कृति लोकार्पण गरिन् । शेरचनले अहिले साहित्यमा नेपाली नारी स्रष्टाको उत्साहवद्र्धक उपस्थिति रहेको बताउँदै कृतिकारलाई बधाई दिइन् ।
शेरचनले कृतिकार श्रेष्ठलाई नेपाली मुक्तकलाई विश्वव्यापीकरण गर्नमा योगदान दिएको भन्दै सम्मान पत्रसमेत प्रदान गरिन् । विशेष अतिथि नेपाल मुक्तक प्रतिष्ठानका अध्यक्ष रामकाजी कोनेले नेपाली मुक्तकको लोपप्रियता विश्वव्यापी बन्दै गएको बताए ।
आवरण प्रकाशनका प्रबन्ध निर्देशक कवि/कलाकार रमेश पौडेलले प्रकाशनमा नयाँ आयाम दिँदै प्रकाशनलाई प्राज्ञिक संस्थाको रूपमा विकास गर्दै लैजाने जानकारी दिए ।
कृतिका समीक्षकद्वय डा. रमेश शुभेच्छु र भारती न्यौपानेले मुक्तककार श्रेष्ठले भावुक मनका चोटिला अभिव्यक्ति चतुष्पदीय शैलीमा प्रस्तुत गरेको बताए ।
कृतिकार सबी श्रेष्ठले २ दशकको मुक्तक साधनाले मूर्तरूप लिएको बताउँदै अतिथि सबैलाई मायाको चिनो प्रदान गरिन् ।
लोकार्पित कृतिबाट मुक्तककारहरू कल्पना काफ्ले, मीना चौलागाईं र सन्तोष अम्गाईंले मुक्तक वाचन गरेका थिए । मुक्तककार सीता रिजालको सूत्रधारीमा सञ्चालित समारोहमा साहित्यकार र साहित्यानुरागीको ओजपूर्ण उपस्थिति थियो ।
Related News
सम्बन्धित समाचार
बेलायतमा ‘प्रकट’ र ‘पारिजात’को स्मरण
७ श्रष्टालाई गण्डकी प्रज्ञा प्रतिष्ठानको सम्मान
नरहरिको उपन्यास ‘शान्ति’ लोकार्पण
‘क्यानभास’ मा धार्चेको कलासंस्कृति र भूगोल
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
hero news full width
मुख्य समाचार
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१