पोखरा । पोखरा–४, गणेशटोल स्थित फेवा पब्लिक स्कुलले आइतबार पुरस्कार वितरण तथा सामूहिक नृत्य प्रतियोगिताको आयोजना गर्यो । कार्यक्रममा गत शैक्षिक सत्रमा कक्षा नर्सरीदेखि कक्षा ९ सम्म प्रथम, द्वितीय र तृतीय हुने विद्यार्थीलाई पुरस्कार गरिएको थियो । यसैगरी चालु शैक्षिक सत्रमा विद्यालयले आयोजना गरेका विभिन्न खेलकुद प्रतियोगिता, अनुशासन, सरसफाइलगायत विधामा उत्कृष्ट हुने विद्यार्थीलाई पुरस्कार प्रदान गरिएको थियो ।
विद्यालयले आयोजना गरेको सामूहिक नृत्य प्रतियोगितामा कक्षा नर्सरीदेखि युकेजीसम्मको समूहमा युकेजी कक्षाका बाबुनानीले प्रथम स्थान हासिल गरे । १ कक्षादेखि ३ सम्मको प्रतियोगितामा कक्षा ३, कक्षा ४ देखि ६ सम्मको प्रतिस्पर्धामा ६ कक्षाका विद्यार्थीको समूहले प्रथम स्थान हासिल गरे । यसैगरी कक्षा ७ देखि ११ सम्मका विद्यार्थीबीच भएको प्रतिस्पर्धामा कक्षा ८ का विद्यार्थीहरुको समूह प्रथम भएको विद्यालयका अतिरिक्त क्रियाकलाप प्रमुख सन्तोष रानाभाटले जानकारी दिए । उत्कृष्ट भएका विद्यार्थीलाई पोखरा महानगरपालिकाका शिक्षा महाशाखाका शिक्षा अधिकृत जीवनप्रसाद रेग्मी, विद्यालयका प्राचार्य अचुत पाण्डे, सहप्राचार्य प्रमोद पाण्डे, शैक्षिक विभाग प्रमुख सुमन आचार्य, विद्यालय सञ्चालक समितिका अध्यक्ष सुशीला शर्मा र विद्यालयका शिक्षकहरूले पुरस्कार वितरण गरेका थिए ।
कार्यक्रमको उद्घाटन गर्दै शिक्षा अधिकृत रेग्मीले विद्यालयले गुणस्तरीय शिक्षा प्रदान गर्न सफल भएको उल्लेख गर्दै विद्यालयको शैक्षिक गतिविधिमा शिक्षा महाशाखाले सहयोग गर्ने बताए । यसैगरी प्राचार्य पाण्डेले विद्यालय गुणस्तरीय शिक्षा प्रदान गर्न लागिपरेको बताए । सहप्राचार्य प्रमोद पाण्डेले विद्यार्थीहरू लगनशील र अनुशासित भएर अध्ययन गर्न सुझाव दिए ।
Related News
सम्बन्धित समाचार
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
सफलको चिनीरहित दही बजारमा
फेवाबाट जलकुम्भी हटाउन अभियान सुरु
पोखरा जेसीजको ७ दिनमा, ७ कार्यक्रम
hero news full width
मुख्य समाचार
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१