पोखरा । पोखरा–१७, बिरौटास्थित बालोदय माध्यमिक विद्यालयको ३६ औं वार्षिकोत्सव तथा अभिभावक दिवस २ दिवसीय कार्यक्रम गरी शुक्रबार सम्पन्न भयो ।
समारोह उद्घाटन गर्दै राष्ट्रिय परीक्षा बोर्डका गण्डकी निर्देशक लक्ष्मण देवकोटाले गुणस्तरीय शिक्षामा जोड दिँदै पोखराको शैक्षिक क्षेत्रमा बालोदयको भूमिका महŒवपूर्ण रहँदै आएको स्मरण गरे । उनले समयसापेक्ष शिक्षालाई अगाडि बढाउनुपर्ने भन्दै पछिल्लो समय विद्यालयले संख्यात्मक साथसाथै गुणस्तरलाई पनि ध्यान दिँदै गएको औँल्याए ।
समापन समारोहमा गण्डकी विश्वविद्यालयका कुलपति प्राडा गणेशमान गुरुङले शिक्षाको महŒव दिनप्रतिदिन बढ्दै गइरहेको जनाउँदै विद्यार्थीका प्रतिभा अनुकरणीय रहेको औंल्याए । उनले संस्कार, संस्कृति जगाउने क्रियाकलाप सञ्चालन गरेकोमा विद्यालयको प्रशंसा गर्दै आगामी दिनमा पनि यस्तै गतिविधिलाई निरन्तरता दिन आग्रह गरे ।
शिक्षा समन्वय इकाइ कास्की प्रमुख लोकनाथ आचार्य, हिसान केन्द्रीय उपाध्यक्ष बाबुराम पन्त, हिसान कास्की अध्यक्ष यामबहादुर रोका, प्याब्सन कास्की अध्यक्ष मथुराप्रसाद पौडेल, वडा सदस्य विक्रम गुरुङ, अभिभावकद्वय विष्णुप्रसाद शर्मा र सञ्जीव सुवेदीलगायतले पनि धारणा राखे ।
कार्यक्रमका बीच विद्यार्थीहरूले सामूहिक नृत्य, लोकगीत, सचेनामूलक नाटक, रत्यौली, भजन, कराँते सिप प्रदर्शन, बालगीतलगायत प्रस्तुति राखे । चित्रकला प्रतियोगिताका विजयी विद्यार्थीलाई पुरस्कृत गरियो । त्यस्तै उत्कृष्ट विद्यार्थी एवं १० वर्ष सेवा पुगेका शिक्षकहरूलाई सम्मान पनि गरियो ।
संस्थापक निर्देशक दुर्गादत्त पंगेनीले शिक्षाजस्तो महŒवपूर्ण क्षेत्रमा लगानी गर्दा आत्मसन्तुष्टि हुने गरेको अनुभव राख्दै अब किताब नभई जीवन पढाउनुपर्ने अवस्था सिर्जना भएको औंल्याए ।
प्राचार्य टेकनाथ पौडेलले विद्यार्थीलाई पढाउने नभई सिकाउने हो भन्ने पक्षमा विद्यालयसचेत रहेको सुनाए । उनले समयसमयमा शिक्षक तथा अभिभावकबीच अन्तक्र्रिया गरी शिक्षकका कुरा अभिभावकले सुन्ने र अभिभावकका कुरा शिक्षकले सुनी सिकाइलाई थप प्रभावकारी बनाउन प्रयास भइरहेको स्पष्ट पारे ।
विद्यालयका अध्यक्ष कमलादेवी पंगेनीको अध्यक्षतामा भएको कार्यक्रम सहायक प्राचार्य रामप्रसाद तिवारी तथा शिक्षक शर्मिला केसीले सञ्चालन गरे ।
कक्षा १ देखि १२ सम्म सञ्चालित विद्यालयमा हाल कुल १ हजार ३ सय ५१ विद्यार्थी तथा १ सय ७ शिक्षक एवं कर्मचारी कार्यरत छन् ।
Related News
सम्बन्धित समाचार
स्टेप बाई स्टेप माविमा सर्कलहरू पुनर्गठन
नेसनल क्रियसनमा निर्वाचन
विन्ध्येश्वरी आदर्शमा चित्रकला
बालोदयमा विद्यार्थी क्लबका लागि निर्वाचन
डिज्नील्यान्डमा चुनाव सिकाउन मतदान
hero news full width
मुख्य समाचार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१