पोखरा । भद्रकाली माध्यमिक विद्यालयको ७२ औं वार्षिकोत्सव, अभिभावक दिवस एवं नेपाल भारत मैत्री भवन उद्घाटन कार्यक्रम बुधबार भएको छ । विद्यालय परिसरमा आयोजित कार्यक्रमका बीच पोखरा महानगरपालिकाका मेयर धनराज आचार्य र नेपालस्थित भारतीय दूतावासका नियोग उपप्रमुख प्रसन्न श्रीवास्तवले नेपाल भारत मैत्री भवनको उद्घाटन गरे । दूतावासको सवा करोड लागतमा उक्त भवन अलि पहिल्यै निर्माण सम्पन्न भएको थियो ।
पोखराका मेयर आचार्यले पछिल्लो समय सामुदायिक र सरकारी विद्यालयमा विद्यार्थीको आकर्षण बढिरहेको भन्दै शैक्षिक गुणस्तरसँगै भौतिक पूर्वाधार विकासमा महानगर लागिरहेको बताए । नेपालको शैक्षिक विकासका क्षेत्रमा भारत सरकारको सहयोग निरन्तर रहेको भन्दै आगामी दिनमा समेत यसले निरन्तरता पाइरहने विश्वास व्यक्त गरे ।
भद्रकाली विद्यालयले समग्र शिक्षा क्षेत्रमा पु¥याएको योगदानको कदर गर्दै उनले आगामि दिनमा व्यावहारिक शिक्षालाई अझै जोड दिएर अगाडि बढ्न उनले सुझाव दिए ।
नेपालस्थित भारतीय दूतावासका नियोग उपप्रमुख प्रसन्न श्रीवास्तवले पोखरामा आफूले पाएको स्वागतप्रति धन्यवाद् व्यक्त गर्दै गण्डकी प्रदेशका ५९ र कास्कीका ११ परियोजनाहरुमा भारत सरकारको सहयोग रहेको बताए । नेपालको समग्र विकासमा भारतको सहयोग निरन्तर रहने उनले प्रतिबद्धता जनाए ।
विद्यालय व्यवस्थापन समिति अध्यक्ष लोकबहादुर कार्कीको सभापतित्वमा भएको कार्यक्रममा प्रधानाध्यापक यदुराज पंगेनीले स्वागतका साथै विद्यालयको वार्षिक प्रतिवेदन प्रस्तुत गरेका थिए । उक्त अवसरमा नर्सरीदेखि कक्षा १२ सम्मका विद्यार्थीले विविध सांस्कृतिक प्रस्तुति प्रदर्शन गरेका थिए ।
विद्यालयको भौतिक र शैक्षिक विकासमा योगदान पुर्याउने व्यवस्थापन समितिका पूर्व अध्यक्ष, पूर्व प्रअ, पूर्व शिक्षकका साथै समाजसेवीलाई कार्यक्रमका बीच सम्मान गरिएको सहायक प्रधानाध्यापक लोकचन्द्र खनालले बताए । विद्यालयमा स्थापित ४० भन्दा बढी अक्षयकोशबाट उत्कृष्ट एवं जेहेन्दार छात्रछात्रालाई पुरस्कार समेत उक्त अवसरमा प्रदान गरिएको छ ।
विसं २००८ स्थानीय ढेवाजु परिवारले उपलव्ध गराएको ४५ रोपनी जमिनमा विद्यालय स्थापना भएर सञ्चालन हुँदै आएको छ । विद्यालय परिसरमा संस्थापकद्वय टेकबहादुर ढेवाजु र कृष्णबहादुर ढेवाजुको प्रतिमा समेत निर्माण गरिएको छ । हाल उक्त विद्यालयमा पूर्व प्राथमिकदेखि कक्षा १२ सम्म गरी २ हजारभन्दा बढी विद्यार्थी अध्ययनरत छन् ।
कार्यक्रममा स्थानीय आमा समूह, टोल विकास समिति, पूर्व गाेर्खा सैनिक, अभिभावक लगायतको उल्लेख्य उपस्थिति थियो ।
Related News
सम्बन्धित समाचार
स्टेप बाई स्टेप माविमा सर्कलहरू पुनर्गठन
नेसनल क्रियसनमा निर्वाचन
विन्ध्येश्वरी आदर्शमा चित्रकला
बालोदयमा विद्यार्थी क्लबका लागि निर्वाचन
डिज्नील्यान्डमा चुनाव सिकाउन मतदान
hero news full width
मुख्य समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
जेठ २, २०८१पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१