पोखरा । अन्नपूर्ण गाउँपालिका–४, सल्यानस्थित प्रगतिशील माविको ५९ औं वार्षिकोत्सव, अभिभावक दिवस एवं पुरस्कार वितरण समारोह मंगलबार भएको छ ।
कार्यक्रम उद्घाटन गर्दै राष्ट्रिय सभा अध्यक्ष गणेशप्रसाद तिमिल्सिनाले गुणस्तरीय शिक्षामा जोड दिए । उनले विद्यार्थीलाई संस्कारयुक्त बन्न सुझाव दिए । अध्यक्ष तिमिल्सिनाले विद्यालयमा आफू पठनपाठन गर्दाको क्षण स्मरण गर्दै राष्ट्रपति शैक्षिक सुधार कार्यक्रम अन्तर्गत आफूले विद्यालयमा सहयोग गर्न पहल गर्ने प्रतिबद्धता जनाए ।
राष्ट्रिय सभा अध्यक्ष गणेशप्रसाद तिमिल्सिनाले गुणस्तरीय शिक्षामा जोड दिए
गाउँपालिका अध्यक्ष विष्णुबहादुर केसीले गुणस्तरीय शिक्षामा पालिका सचेत रहेको छ भन्दै पेसाप्रति बफादार रही सेवा गर्न शिक्षकहरुमा आग्रह गरे ।
विद्यालयका पूर्व अध्यक्ष पोषनाथ शर्माले शैक्षिक विकासमा विद्यालयको योगदान महत्वपूर्ण रहेको स्पष्ट पार्दै विद्यार्थीलाई लगनशील भई पठनपाठन गर्न सुझाए । कार्यक्रमबीच विद्यालय अध्ययन गरी विद्यावारिधि हासिल गर्न सफल डा. प्रेमप्रसाद पौडेल, डा. खड्गबहादुर केसी, डा. तुलसी पौडेल र डा. हरिबहादुर केसी तथा उद्यमी देवेन्द्रबहादुर केसीलाई सम्मान गरियो ।
त्यस्तै पूर्व शिक्षक इन्दिरादेवी सापकोटा, राधिका पहारी, विद्यादेवी खनाल, सन्तोष पौडेल र सरस्वती सुवेदीलाई फेरि भेटौला कार्यक्रमबीच विदाइ गरियो ।
प्रधानाध्यापक नमराज पौडेलले वार्षिक प्रतिवेदन पेस गर्दै विद्यालयलाई थप व्यवस्थित बनाउन घेराबार, एक शिक्षक एक ल्यापटप, प्याराफिट सहितको खेलमैदान निर्माण लगायतका कार्यक्रमलाई प्राथमिकता दिनुपर्ने औंल्याए ।
विद्यालय व्यवस्थापन समिति अध्यक्ष भरतबहादुर केसीको अध्यक्षतामा भएको उक्त कार्यक्रममा शिक्षक नारायणप्रसाद पौडेलले स्वागत र शिक्षक हरिबहादुर केसीले कार्यक्रम सञ्चालन गरे ।
बाल विकासदेखि कक्षा १२ सम्म सञ्चालित उक्त विद्यालयमा हाल कुल २ सय १७ विद्यार्थी पढ्छन् । जसअन्तर्गत त्यहाँ प्लस टुतर्फ शिक्षा विषयको पठनपाठन हुने गरेको छ ।
Related News
सम्बन्धित समाचार
पोखरा सिँगार्न दिनहुँ श्रमदानमा खटिन्छन् सीताराम
पोखरा–१२ का सामुदायिक विद्यालयमा संस्कार शिक्षा
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१