पोखरा । पोखरा विश्वविद्यालयले शिक्षण अस्पतालमा आगामी वैशाखदेखि आकस्मिक सेवा संचालन गर्ने भएको । गत २२ भदौदेखि ओपिडी सेवा संचालन हुँदै आएकोमा पूर्णरूपमा सञ्चालन गर्ने उद्देश्यले आकस्मिक सेवा दिन लागेको हो ।
विश्वविद्यालयका स्वास्थ्य विज्ञान संकायका डिन डा. अमर नागिलाले शिक्षण अस्पताल सञ्चालनको सम्पूर्ण प्रक्रिया अन्तिम चरणमा रहेको बताए । उनले सामाजिक विकास तथा स्वास्थ्य मन्त्रालय, गण्डकी प्रदेशका सचिवको संयोजकत्वमा गठित वातावरणीय अध्ययन प्रतिवेदन जाँचबुझसम्बन्धी प्राविधिक समितिलाई विश्वविद्यालयले शिक्षण अस्पतालको वातावरणीय परीक्षण प्रतिवेदन प्रस्तुत गरिसकेको र मन्त्रालयले त्यसको चाँडै टुंगो लगाउने बताए । ‘मन्त्रालयले काम गर्दै गर्नुस् भनेको छ तर सञ्चालन अनुमतिपत्र पाएपछि १ सय शैयाको अस्पतालको रूपमा हामी पूर्ण रूपमा सेवा दिन्छौं,’ डिन नागिलाले भने ।
अस्पतालका निर्देशक डा. दीपेन्द्रकुमार यादवले अस्पताल सञ्चालनका लागि जनशक्ति व्यवस्थापन भइसकेको र आवश्यक फर्निचर तथा उपकरणको यथेष्ट व्यवस्थापन गरी वैशाखको पहिलो हप्तादेखि आकस्मिक सेवा सञ्चालन गर्ने तयारीमा रहेको बताए । विश्वविद्यालयका इ.सुदीप अधिकारीले अस्पतालको सम्पूर्ण निर्माण भइसकेकोले रंगरोगनको अन्तिम कार्य हुँदै गरेको बताए ।
पोखरा–३०, ढुंगेपाटनस्थित पोखरा विश्वविद्यालय प्राज्ञिक भवन कम्प्लेक्सको पूर्वपट्टि करिब ११ रोपनी जग्गामा अस्पताल निर्माण भएको हो । अस्पतालमा प्याथोलोजी ल्याब, रेडियोलोजी ल्याब, ओपिडी, आकस्मिक, जनरल बार्ड, माइनर ओटी, फार्मेसी लगायत रहेको विश्वविद्यालयका सूचना अधिकारी लोकप्रसाद ढकालले जनाए ।
अस्पताल परिसरमा सडकबत्ती, खुला स्थान र पर्याप्त पाकिङ व्यवस्था लगायत छन् ।
Related News
सम्बन्धित समाचार
मुख्यमन्त्री अधिकारीविरुद्धको रिट खारेज
गण्डकी प्रदेश प्रहरी दुर्गा सिंहले सम्हालिन जिम्मेवारी
रेडक्रस कास्कीलाई लुम्बिनी विकासको सहयोग
कक्षा १२ को प्रश्नपत्र आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
hero news full width
मुख्य समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१