पोखरा । सयपत्री समाज कास्कीले पालिकाका जनप्रतिनिधि तथा कर्मचारीलाई नीति तथा योजना बनाउने तालिम दिएको छ ।
पालिकाको बजेट, योजना तर्जुमा, नीति कार्यक्रमका सवालमा स्थानीय तहका जनप्रतिनिधि तथा कर्मचारीका लागि प्रशिक्षण गरिएको थियो । कार्यक्रममा कास्कीका पोखरा महानगरसहित माछापुच्छ«े, अन्नपूर्ण, रुपा, मादी र स्याङ्जाका फेदीखोला गाउँपालिकाका जनप्रतिनिधि तथा कर्मचारीले भाग लिएका थिए । २ दिनसम्म चलेको कार्यक्रममा नेपाल सरकारका पूर्व मुख्यसचिव डा.सोमलाल सुवेदीले, ‘संघीयता र स्थानीय सरकार’ विषयमा प्रशिक्षण दिएका थिए । उनले कर्मचारीतन्त्र संघीय मूल्यमान्यता अनुसार संचालन हुनुपर्ने जनाउँदै स्थानीय पालिकाले आफ्ना नीति कार्यक्रम संघीयता अनुकूल बनाउनुपर्ने बताए ।
उनले जनप्रतिनिधिको भावना बुझेर नीति योजना कार्यक्रम ल्याउनुपर्ने बताउँदै योजना कार्यन्वयनका चक्र पूरा भए नभएको हेर्नुपर्नेमा जोड दिए ।
प्रशिक्षक सञ्जीव हुमागाईंले स्थानीय तहले स्थानीय योजनाहरुको प्राथामिकीकरण गर्दै कसरी अन्य पालिकाभन्दा प्रतिस्पर्धी र भिन्न योजना कसरी जारी गर्ने भन्नेमा प्रतिस्पर्धा हुनुपर्ने बताए ।
प्रशिक्षणको दोस्रो दिन प्राडा लेखनाथ भट्टराईले स्थानीय अर्थतन्त्र निर्माणमा पालिकाहरुले वित्त हस्तान्तरण ऐन तथा पालिकाका नीति अनुरुप कार्य गर्नुपर्ने बताए । गण्डकी प्रदेश प्रशिक्षण प्रतिष्ठानका कार्यकारी निर्देशक ऋषिराम पाण्डेले सहभागीलाई प्रशिक्षण गर्दै दिगो विकास लक्ष्य अनुरुप पालिकाहरु आफ्ना योजना बनाउनुपर्ने बताउँदै संविधान संघीय ऐन र प्रदेश ऐन नियम अनुरुप पालिकाका नीति बन्नुपर्ने बताए ।
सयपत्री समाजका कार्यकारी निर्देशक गिरधारी सुवेदीले नीतिमा नवीनता र योजनाको कार्यान्वयन गर्न पालिकाले नीति जारी गर्नुपर्ने गरी सहभागीलाई प्रशिक्षण गरेका थिए । कार्यक्रममा कास्की र स्याङ्जा जिल्लाका विभिन्न पालिकाका गरी ३५ जनाको सहभागिता थियो । उक्त प्रशिक्षणमा अन्नपूर्णका प्रमुख प्रशासकीय अधिकृत खेमराज देवकोटा, उपाध्यक्ष चन्द्रकला अधिकारीले यस प्रकृतिको कार्यक्रम पालिकाको आगामी योजनाका लागि प्रभावकारी बताइन् ।
माछापुच्छ«ेका प्रमुख प्रशासकीय अधिकृत वेदहरि अधिकारीले संघीयता अनुसारको स्थानीय नीति हुनुपर्ने कुरामा जोड दिए । कार्यक्रममा सहभागी र कार्यपत्र प्रस्तुतकर्ताबीच अन्तक्र्रियात्मक छलफल गरिएको संस्थाका अध्यक्ष प्राडा कृष्ण केसीले बताए ।
Related News
सम्बन्धित समाचार
क्षत्री समाज नेपालमा पोखराका रिव, महासचिवमा कृष्ण
यस्तो छ लगानी सम्मेलनको कार्यतालिका
बुढ्यौलीमा भेडीगोठ मोह
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
hero news full width
मुख्य समाचार
बुटवल पावर कम्पनीले ल्यायो विद्युत् महसुल बढाउने प्रस्ताव
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१