पोखरा, १ चैत । पोखराको लामाचौरस्थित पश्चिमाञ्चल इन्जिनियरिङ अध्ययन संस्थानमा नेवि संघका विद्यार्थीले आमरण अनसन थालेका छन् । बुधबारदेखि विद्यार्थी सन्तोष थपलिया र विभीषण ओली अनसनमा छन् ।
टिकट वितरणमा नेविसंघ नेतृत्वले हस्तक्षेप गरेकोमा असन्तुष्ट रहँदै आएको नेवि संघको सो समूहले निर्वाचन अधिकृतले राजीनामा दिनुपर्ने, नयाँ निर्वाचन अधिकृत तोकेर निर्वाचन कार्यतालिका फेरि पुरानै प्रक्रियाबाट सुरु गर्नुपर्ने माग गरेको छ ।
आगामी चैत ५ मा हुने स्ववियु निर्वाचनको लागि गत फागुन २७ मा मनोनयन दर्ता भएको थियो । जसमा नेविसंघ क्याम्पस इकाइसँग सहकार्य नगरिकन नेविसंघ जिल्लाले एक्कासि मनोनयन बुझायो । जसबाट इकाइ अध्यक्षबाहेक अन्य पदाधिकारी तथा सदस्य असन्तुष्ट बने ।
नयाँ निर्वाचन अधिकृत तोकेर पुरानै प्रक्रियाबाट सुरु गर्नुपर्ने माग
इकाइका कुल २१ मध्ये ३ उपसभापति, १ सचिव, १ सहसचिव र १ कोषाध्यक्ष सहित १७ जनाले सोही दिन राजीनामा बुझाएका थिए । २ दिनपछि मनोनयनको अन्तिम नामावलीमा समानुपातिकमा आफ्नो नाम समावेश गरिएकोमा सो समूहले चर्को असन्तुष्टि व्यक्त गर्यो । नेविसंघ क्याम्पस इकाइ समिति उपसभापति विवेक घिमिरेले आफ्नो उपस्थितिबिनै समानुपातिकमा नाम समावेश गरिएको बताउँछन् । यस्तो असहज परिस्थितिमा कुनै पनि हालतमा चुनाव नलड्ने र विद्यार्थीले राखेका माग सम्बोधन हुनुपर्ने उनी जिकिर गर्छन् ।
अहिले स्ववियु निर्वाचन कार्यालय र प्रशासन दुवैमा विद्यार्थीले ताला ठोकेका छन् ।
निर्वाचन अधिकृत राजेश भट्टराईले असहज परिस्थितिमा काम गर्न नसक्ने भनी मंगलबार क्याम्पस प्रमुखलाई राजीनामा बुझाइसकेका छन् । उनले अब जिम्मेवारीबाट पन्छिएकोले कुरा कुनै आधिकारिक नभएकाले यसबारे क्याम्पस प्रशासनसँग बुझ्न आग्रह गरे ।
क्याम्पस प्रमुख निर्मल बराल विद्यार्थीका मागपार्टीको हस्तक्षेपले स्ववियु चुनावमा स्थिति असामान्य बन्दै गएकोमा दुःख व्यक्त गर्छन् । उनी भन्छन्, ‘शैक्षिक संस्था राजनीतिक हस्तक्षेपबाट मुक्त हुनुपर्छ भनी नारा दिने तर अहिले हस्तक्षेपकारी नीतिले चुनावी कार्यक्रम बिथोल्न खोजिएको छ ।’ निकासका लागि आफूहरु सबै विद्यार्थी संगठनसँग बसेर टेबुल टक गर्न तयार रहेको उनी बताउँछन् ।
करिब १७ सय मतदाता रहेको इन्जिनियरिङ कलेजमा अघिल्लो पालि अनेरास्ववियु नेतृत्वले चुनाव जितेको थियो ।
Related News
सम्बन्धित समाचार
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
hero news full width
मुख्य समाचार
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१