पोखरा । साहित्यकार डा. पुष्पा केसी भण्डारीलाई इन्द्र–हुमा वाङ्मय सम्मान प्रदान गरिने भएको छ ।
गण्डकी प्रज्ञा प्रतिष्ठानका परिषद् सदस्य कृष्णप्रसाद पौडेलको संयोजकत्वमा गठित प्रतिभा छनोट समितिको सिफारिसमा ३ जनाबाट भण्डारीलाई छनोट गरिएको हो । छनोट समितिमा पृथ्वीनारायण क्याम्पस नेपाली विभागका प्रमुख प्राडा कुसुमाकर न्यौपाने, वरिष्ठ लोकगायिका प्राज्ञ हरिदेवी कोइराला सदस्य थिए । पदेनसदस्यमा कोषका संस्थापक सविन जिसी र संस्थाका अध्यक्ष डा. नारायणप्रसाद अधिकारी थिए ।
जरोटुप्पो संरक्षण साहित्य समाज नेपालद्वारा सञ्चालित सो सम्मानको राशि १० हजार १ सय रुपैयाँ रहेको संस्थाका प्रवक्ता ताराबहादुर गुरुङले बताए । बाबाआमाको स्मृतिमा छोरी सीताकुमारी जिसी र नाति/ बुहारीद्वय सविन/सुमित्रा र अश्विन/कल्पना जिसीको परिवारबाट स्थापना गरिएको अक्षयकोषको व्याज रकमबाट संस्थाले उक्त सम्मान अर्पण गरिंदै आएको छ । अक्षयकोशको राशि १ लाख ६१ हजार छ ।
लायन्स क्लब अफ पोखरा अर्पण, ओम शिवशक्ति कल्याणी केन्द्र पोखरा र क्षत्री महिला समाज नेपालकी संस्थापक अध्यक्ष डा. भण्डारी साहित्य र समाजसेवाका क्षेत्रमा क्रियाशील प्रतिभा हुन् ।
यसअघि गडकी प्रदेश सभा सदस्य भण्डारीका ‘केही सुसेली : केही सुस्केरा’ कवितासङ्ग्रह, ‘संगम’ र ‘जिन्दगीको दोसाँधमा’ २ मुक्तकसंग्रह प्रकाशित छन् ।
‘ग्रामीण विकासमा सामुदायिक वनको भूमिका : लैंगिक दृष्टिकोणबाट विश्लेषण’ विषयमा विद्यावारिधि गरेकी भण्डारी सिर्जना साहित्य सदन घाचोक र हेमजा साहित्य प्रतिष्ठानकी संरक्षकसमेत रहेकी छन् ।
नाट्यसम्राट बालकृष्ण समको १२१ औं समजयन्ती समारोहका सन्दर्भमा २४ माघमा सो सम्मान अर्पण गरिनेछ ।
Related News
सम्बन्धित समाचार
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
छन्द बचाऊँ वाचनकला पुरस्कारबाट त्रिपाठी सम्मानित
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१