पोखरा । २२ औं आहारारा पोखरा गोल्डकप बिहीबारदेखि सुरु हुँदैछ । १० दिनसम्म चल्ने प्रतियोगिताको उद्घाटन खेल आयोजक सहारा क्लब पोखरा र धरान फुटबल क्लबीच हुनेछ । पुस १४ देखि २३ सम्म संचालन हुने प्रतियोगितामा विभिन्न १० टिमले भाग लिंदैछन् । जसमा नेपाल एपिएफ, मनाङ मस्र्याङ्दी, नेपाल प्रहरी, आर्मी, मछिन्द्र, संकटा, चर्च ब्वाइज युनाइटेड फुटबल क्लब, अमेरिकाको भुटानीज युथ स्पोर्टस् क्लब, मिनिसोटा, धरान फुटबल क्लब र आयोजक छन् । गत वर्षको विजेता एपिएफ क्लब हो ।

आयोजकले यसपालि पुरस्कार राशिमा वृद्धि गरेको छ । प्रथम पुरस्कारमा २ लाख थप गरि १२ लाख र द्वितीय पुरस्कारमा १ लाख थप गरि ६ लाख कायम गरिएको क्लब महासचिव रामजीप्रसाद अधिकारीले बताए ।

प्रतियोगिताबाट १ करोड ५९ लाख ५० हजार आम्दानी र १ करोड १३ लाख ५६ हजार रुपैयाँ खर्च हुने अनुमान आयोजकको छ । यसपालि सर्वोत्कृष्ट राष्ट्रि«य फुटबल खेलाडी पुरस्कार अनन्त तामाङ (५० हजारसहित) प्रदान गरिने क्लब अध्यक्ष हरिराम गुरुङ (सुरज) ले पत्रकार सम्मेलनमा बताए । यसअघि यो पुरस्कारबाट भरत खवास, किरण चेम्जोङ, सुजल श्रेष्ठ, अभिषेक रिजाल र अन्जन विस्ट पुरस्कृत भैसकेका छन् ।