नेपाल र भारतका चर्चित अभिनेतृ मनीषा कोइराला राजनीतिमा आउँछिन् कि आउँदिनन्, आए कसरी आउँछिन् भन्ने सम्बन्धमा बराबर चर्चा हुने गर्दथ्यो । उनलाई सक्रिय राजनीतिमा आउन र आफ्नो पार्टीमा आउन पार्टीका नेताहरुले दबाब पनि दिने गर्दथे । तर उनले निर्णय गरेकी थिइनन् । कहिलेकाहीं उनले सक्रिय राजनीतिमा आउनका लागि आफ्नो लागि आफ्नो बाजेले स्थापना गरेको पार्टी नेपाली कांग्रेस भएको औंल्याउने गर्दथिन् । कांग्रेसका नेताहरु पनि उनी सक्रिय राजनीतिमा आए कांग्रेस पार्टीमा नै आउने छिन् भनेर उतातिर वास्ता नै नगरी बसिरहेका थिए । यसैबीच उनले राष्ट्रिय प्रजातन्त्र पार्टी रोजेको समाचार आयो । त्यो समाचारको पुष्टि उनले राप्रपाको शुक्रबार बिहान पोखरामा आयोजित चुनावी सभामा उपस्थित भएर तथा भाषण गरेर नै गरिन् ।
उनको त्यो निर्णय राजनीति र कला क्षेत्रमा चर्चाको विषय भएको छ । भारतमा चर्चित कलाकारहरु कहिलेकाहीं राजनीतिमा आउने गर्दछन् । कहिले उनीहरुले चुनाव लडेर संसद्मा पुग्छन् भने कहिले मनोनीत भएर पनि त्यहाँ पुग्ने गरेका छन् । नेपालमा थोरै कलाकारले मात्र राजनीतिमा रुचि राख्ने गरेका छन् । त्यसो भए तापनि केही कलाकारहरु यस पटक चुनावी मैदानमा उत्रेका छन् । तर मनीषा कोइराला चुनावी मैदानमा छैनन् । उनी चुनाव प्रचारका लागि मञ्चमा देखिएकी हुन् । उनको साथ र सहयोगबाट राष्ट्रिय प्रजातन्त्र पार्टीमा केही उत्साह थपिएको महसुस गरिएको छ । उनी कोइराला परिवारकी भएकाले मात्र होइन, विपी कोइरालाकी नातिनी भएकीले पनि र उनले चुनावको मौसममा त्यो निर्णय लिएकीले पनि यो परिघटना चर्चित भएको हो ।
मनीषा कोइरालाले आफूले राप्रपा रोज्नुपर्ने कारण पनि प्रष्ट्याएकी छन् । उनले विपी कोइरालालाई सबैले बिर्सेको भए पनि राप्रपा अध्यक्ष राजेन्द्र लिंदेनले सम्झिराखेको र उनी बिपीको बाटोमा हिँडेकै कारण आफूले राप्रपा रोजेको बताइन् । उनले आफ्नो संक्षिप्त भाषणमा बिपीले राष्ट्रिय मेलमिलापको नीति अख्तियार गरी राजसंस्थासँग आफ्नो घाँटी जोडिएको कुरा गर्नु र भ्रष्टाचारको विरोध गरेका कारण आफू अध्यक्ष लिङ्देनसँग उभिएको बताइन् । अध्यक्ष लिङ्देन भ्रष्टाचारविरुद्ध कडा रुपमा प्रस्तुत भएका छन् । उनले भ्रष्टाचार गर्नु आफ्नै आमाको रगत चुस्नु बराबर हो भनेर बराबर भन्ने गरेका छन् । बिपी कोइराला भ्रष्टाचारको कट्टर विरोधी थिए । नेताहरुले बिपीको सिद्धान्त आदर्शअनुसार आचरण नगरेकोमा उनको भित्री दुखाइ भएको उनको अभिव्यक्तिले प्रष्ट पार्दछ । त्यसलाई उनले नेताहरुले बिपीलाई बिर्सेको भनेकी छन् । राप्रपाले बिपीलाई कसरी सम्झिरहने हो र त्यसले सम्झेको कुरा मनीषालाई के–कति चित्त बुझ्ने हो, त्यो भने चुनौतीको रुपमा रहिरहने छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१