पोखरा । प्याराग्लाइडिङ खेलाडी निसिम थापाको स्वर्ण पदक जित्ने सपना आइतबार निमेषभरमै चुँडियो । खेलाडी भएपछि घाँटीमा पदक झुन्ड्याउने सपना सबैले बुन्छन् । पदकको आशा बोकेका निसिमको सपना भने अधुरै रह्यो । आइतबार पोखराको आकाशमा उड्दाउड्दै उनको प्राणपखेरु उड्यो । उनको मृत्युपछि नेपालको प्याराग्लाइडिङ खेलले एक उत्कृष्ट खेलाडी गुमायो । थापा परिवारको एक्ला सन्तानलाई प्याराग्लाइडिङले हावामा सधैंका लागि उडायो ।
पोखरामा जारी नवौं राष्ट्रिय खेलकुद प्रतियोगिताको क्रस कन्ट्री प्याराग्लाइडिङ इभेन्टका खेलाडी थिए, २६ वर्षीय निसिम । उनी नवौंका लागि त्रिभुवन आर्मी क्लबमा करारमा अनुबन्ध भएका हुन् । प्रतियोगिताअन्तर्गत प्याराग्लाइडिङ शनिबारबाटै सुरु भएको हो । शनिबार निमिसले उत्कृष्ट प्रदर्शन गरेका गरेका थिए । आइतबार अझै आफ्नो कौशल देखाउँदै उपाधि चुम्ने सपना बुनेर उनले आइतबार पहिलो उडान गरेका थिए ।
सराङकोटबाट टेक अप गरेको निसिमको ग्लाइडको एक भागलाई हावाले खुम्च्याइदियो । करिब ५०/६० मिटरमाथि पुगेका उनको ग्लाइड फनफनी घुम्यो र जमिनतिर खस्दै बजारियो । दुर्घटनामा परेका निमिसलाई तत्कालै उपचारका लागि अस्पताल पु¥याइयो । तर डाक्टरले प्राण गइसकेको जानकारी गराए । यसरी आकाशमा उडेका निमिसको जमिनमा बजारिदैं प्राण गयो । प्रत्यक्षदर्शीकाअनुसार उडेको ५ मिनेट हाराहारीमा निसिम दुर्घटनामा परेका हुन् । दुर्घटनाको कारण भने खुलेको छैन ।
उनी उड्नुभन्दा अघि मौसम र हावाको गति परीक्षण गर्न एपीएफका प्रशिक्षक सुरेन गुरुङ उडिसकेका थिए । त्यसपछि मात्र खेलाडीमध्ये निसिम उडेका हुन् । उनी उडेको केही समयपछि हेर्दा ग्लाइडर दुर्घटनाको अवस्थामा पुगेको सुरेनले बताए । ‘ग्लाइडर कोल्याप्स (ग्लाइडर खुम्चिने अवस्था) भएर घुमेको थियो । उचाइ नभएपछि ग्लाइडर खोल्न नपाउँदै जमिनमा ठोकिहाल्यो,’ सुरेनले सुनाए ।
प्रत्यक्षदर्शीकाअनुसार उडेको ५ मिनेट हाराहारीमा निसिम दुर्घटनामा परेका हुन् । दुर्घटनाको कारण भने खुलेको छैन
मौसम सफा भएकाले पाइलटहरूले मौसमलाई दुर्घटनाको कारण मानेका छैनन् । कहिलेकाहीं ग्लाइडरको एउटा भागमा हावाको चाप परिरहँदा पाइलटले मेसो पाउँदैनन् । त्यस्तोबेला ग्लाइडर खुम्चिन्छ । यही कारण दुर्घटना भएको अनुमान गरिए पनि यकीन छैन । उचाइमा भएको भए उनको आसपास भएकाले रेस्क्यु ग्लाइडर फाल्न मिल्थ्यो । तर, निसिम जमिनकै नजिक रहँदा र आसपास अरु नहुँदा उद्धार गर्न सक्ने समय भएन ।
निसिम पोखराकै एउटा प्याराग्लाइडिङ कम्पनीमा व्यावसायिक उडान पनि गर्थे । उनले प्याराग्लाइडिङ गर्न थालेको ९ वर्ष भएको थियो । यससँगै इन्डोनेसिया, कोरिया, भारतका प्रतियोगितामा निसिम सहभागी भएका थिए । निसिमको वल्र्डकप नै जित्ने सपना रहेको उनका प्याराग्लाइडिङ पाइलट साथी अर्जुन बरालले सुनाए । ‘उनको सपना, योजना सम्झनामात्रै रह्यो,’ उनले भने ।
गोरखा घर भएका निसिम पोखरा–१० अस्पताल चोकका बस्दै आएका छन् । निसिमका बुबा प्रकाश थापा भूपू शिक्षक हुन् । पोखरामै रिच वाटर मन्टेसरी चलाइरहेकी सावित्री मोक्तान र थापाले एक्लो सन्तान गुमाएका छन् । उनको निधनले सिंगो पोखरेली प्याराग्लाइडिङ क्षेत्रलाई नै स्तब्ध बनाएको नेपाल हवाइ खेलकुद संस्था (ना) का अध्यक्ष सुनीलबहादुर भट्टराईले बताए ।
पोखरामा जारी प्रतियोगितमा त्रिभुवन आर्मी, एपीएफ, गण्डकी, कर्णाली र प्रदेश नम्बर १ सहभागी छन् । शनिबारको खेलका आधारमा आर्मीको रेकर्ड राम्रो छ । निसिम आर्मीबाटै आठौं राष्ट्रिय खेलकुदको प्याराग्लाइडिङअन्तर्गत क्रस क्रन्ट्री विधामा पनि सहभागी थिए । त्यतिबेला आर्मीले रजत पदक जितेको थियो । तर, निसिमको निधनसँगै प्रतियोगिता अनिश्चित बनेको छ भने नागरिक उड्डयन प्राधिकरणले नेपालभर प्याराग्लाइडिङ उडानमा प्रतिबन्ध पनि लगाएको छ ।
Related News
सम्बन्धित समाचार
वर्ष खेलाडीको चर्चा
लान्द्रुकमा हनी हन्टिङ महोत्सव तयारी
दुर्घटना न्यूनीकरण गर्न ट्राफिक सप्ताह
राेहितलाई उत्कृष्ट खेलकुद पत्रकारिता अवार्ड
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१