पोखरा । खाद्य व्यवस्था तथा व्यापार कम्पनी लि. गण्डकी प्रादेशिक कार्यालय पोखराले पर्वोत्सव सहुलियत छुट मूल्य पसल–२०७९ संचालनमा ल्याएको छ ।
वडादसैं, तिहार तथा छठ पर्व २०७९ अवसरमा खासगरी चामलमा छुट दिने उद्देश्यले बिरौटास्थित कार्यालयको खाद्य बिक्री कक्षबाट यस्तो सेवा दिन लागिएको निमित्त प्रादेशिक प्रमुख नवीन बस्नेतले जानकारी दिए । उनका अनुसार आगामी असोज १ देखि कात्तिक १५ सम्म यस्तो छुट प्रदान गरिनेछ ।
उक्त अवसरमा कार्यालयबाट बिक्री भइरहेका सबै किसिमका चामलमा प्रतिकिलोग्राम ७ रुपैयाँ छुट प्रदान गरिने कार्यालयले जानकारी दिएको छ । यस्तो छुट प्रदान गरेपपछि वासमति चामल ९८, जिरा मसिनो ६०, स्टिम सोना चामल ४६ र अरुवा सोना मनसुली ४४.३० प्रतिकिलोग्राम दरले उपलब्ध हुने निमित्त प्रमुख बस्नेतले जानकारी दिए ।
कार्यालयले अन्य समयमा पनि उल्लेखित ४ प्रकारका चामल आफ्नो बिक्री कक्षबाट बिक्री गर्दै आएको छ । यस पटकको चाडपर्व लक्षित कोटाअन्तर्गत ५ सय क्विन्टल चामल बिक्री गरिने योजना रहेको छ । नियमित समयमा कार्यालयबाट मासिक ६० क्विन्टल जति चामल बिक्री हुँदै आएको छ । भविष्यमा दाल पनि कम्पनीले बिक्री गर्ने लक्ष्य लिएको छ । सिद्धान्ततः अनलाइनमार्फत बुकिङ लिएर घरघरमा खाद्यन्न डेलिभरी गर्ने अवधारणा कार्यालयले बोकेको भए पनि कर्मचारी र गाडीको अभावका कारण उक्त अवधारणाले मूर्तरुप लिन नसकेको जनाइएको छ ।
गण्डकी प्रदेशमा हाल कास्कीका अतिरिक्त गोरखा, मनाङ र मुस्ताङमा पनि कार्यालयको बिक्री कक्षहरु छन् । विमलनगरमा भने रिले केन्द्र रहेको छ । नेसनल ट्रेडिङ लि. र नेपाल खाद्य संस्थानलाई गाभेर सरकारले नयाँ सरकारी कम्पनीका रुपमा २०७६ साउनमा खाद्य व्यवस्था तथा व्यापार कम्पनी स्थापना गराएको हो । खाद्यान्न लगायत अत्यावश्यकीय उपभोग्य वस्तुको सहज र सुलभ आपूर्तिमा बजार निर्माताको भूमिका खेल्न सक्ने एक सक्षम व्यवसायिक संस्थाको रुपमा स्थापित हुने उद्देश्य कम्पनीले लिएको छ ।
खाद्य संकटग्रस्त क्षेत्र तथा विपन्न जनताको खाद्य सुरक्षाको सुनिश्चिततामा योगदान गर्दै प्रतिस्पर्धात्मक वातावरणमा गुणस्तरीय खाद्यान्नलगायत अत्यावश्यकीय उपभोग्य वस्तु तथा सेवाको सहज र सुलभ आपूर्तिमा बजार निर्माताको भूमिका खेली व्यावसायिकरुपमा सक्षम संस्थाको रुपमा स्थापित हुने योजना पनि कम्पनीको छ ।
खाद्य सुरक्षाको सुनिश्चिततामा योगदान गर्ने, किसानको उत्पादन र स्वदेशी उद्योगले प्रोत्साहन पाउने तथा उपभोक्ताले प्रतिस्पर्धी मूल्य एवं गुणस्तरका अत्यावश्यक वस्तु सहज र सुलभरुपमा प्राप्त गर्न सक्ने गरी बजार निर्माताको भूमिका खेल्ने उद्देश्य पनि कम्पनीले लिएको छ । यसैगरी, उपलब्ध स्रोतसाधनको अधिकतम उपयोग तथा व्यावसायिक क्रियाकलाप विस्तार र विविधिकरण गर्दै दिगो आयआर्जन गर्ने, अत्यावश्यक वस्तु तथा सेवाको माग र आपूर्तिका तथ्याङ्कीय आधार तयार गरी नीति निर्माण गर्न आवश्यक सहयोग पु¥याउने र कम्पनीलाई व्यवसाय–उन्मुख एवं उत्तरदायी बनाउने उद्देश्य पनि कम्पनीले लिएका जनाइएको छ ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१