पोखरा । बुद्ध विशाल बजार व्यापारिक एसोसियसनको २४ औं साधारणसभा भएको छ । सभा गण्डकी प्रदेशका भौतिक पूर्वाधार, सहरी विकास तथा यातायात व्यवस्था मन्त्री कुमार खड्काले उद्घाटन गरे । उनले महेन्द्रपुल क्षेत्रमा देखिएको पार्किङ समस्या समाधान गर्न आफ्नो तर्फबाट पहल गर्ने बताए ।
अहिले गण्डकी प्रदेश सरकारले अत्यधिक कर वृद्धि गरेको भनेर आएका समाचारतर्फ ध्यानाकर्षण भएको बताउँदै मन्त्री खड्काले यसमा आफ्नो मन्त्रालयको कुनै भूमिका नरहेको दाबी गरे । कर लगायत लाभांशको बारेमा अर्थ मन्त्रालयको अधिकार हुने उनको तर्क थियो ।
पोखरा उद्योग वाणिज्य संघका उपाध्यक्ष अर्जुन पोखरेलले अहिले व्यवसायीहरुले कर वृद्धि र बैंकहरुको व्याज वृद्धि लगायत तमाम समस्या भोगिरहेको स्मरण गराउँदै यसतर्फ राज्यको ध्यान जानु जरुरी रहेको बताए । पोखरेलले यही अवस्था रहिरहेमा व्यापार व्यवसायलाई निरन्तरता दिन निकै गाह्रो हुने उल्लेख गरे ।
बुद्ध विशाल बजार व्यापारिक एसोसिएसनका अध्यक्ष केशवबहादुर खत्रीले व्यवसायीको हकहितका लागि आफूले जस्तोसुकै मुल्य चुकाउन तयार रहेको बताउँदै बुद्ध विशाल बजारभित्र व्यापार व्यवसाय प्रवद्र्धन गर्न प्रतिबद्ध रहेको बताए ।
खत्रीले भदौमा हुन लागेको पोखरा उद्योग वाणिज्य संघको अधिवेशनमा महासचिव पदमा उम्मेदवारी दिन लागेको बताउँदै सम्पूर्ण व्यवसायीको साथ र सहयोगको अपेक्षा गरे ।
बुद्ध विशाल बजार व्यापारिक एसोसिएसनका मानार्थ सदस्य तथा सल्लाहकार सुदीप ढकालले बुद्ध विशाल बजार व्यापारिक एसोसिएसनलाई आफ्नो जीवनको अन्तिम समयसम्म पनि साथ र सहयोग रहने बताए । कार्यक्रममा फेन्सी तथा रेडिमेड व्यवसायी समितिका अध्यक्ष राजु पौडेल, कस्मेटिक व्यवसायी समितिका अध्यक्ष प्रेम सुवेदी, बुद्ध विशाल बजार व्यापारिक एसोसिएसनका सल्लाहकार ध्रुव रेग्मी लगायतले बोलेका थिए ।
कार्यक्रमबी पुराना व्यवसायीहरु बुद्धि कुँवर, गुलाम सरवर, पार्वती बस्ताकोटी र राकेश गुरुङलाई सम्मान गरिएको थियो भने बुद्ध विशाल बजार व्यापारिक एसोसियसनको छात्रवृद्धि कोषमा सहयोग गर्ने व्यवसायी र एसइई तथा प्लस टु उत्तीर्ण तथा विशिष्ट उपाधि प्राप्त गर्ने संस्थाका सदस्यका छोराछोरीलाई सम्मान गरिएको थियो ।
बुद्ध विशाल बजार व्यापारिक एसोसिएसनका अध्यक्ष केशवबहादुर खत्रीको अध्यक्षतामा भएको कार्यक्रममा उपाध्यक्ष तथा कार्यक्रम संयोजक इन्द्रराज अर्यालले स्वागत गरे । कार्यक्रम सञ्चालन महासचिव बुद्धि कुँवर तथा सचिव राजु केसीले गरेका थिए ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१