पोखरा । नेपाल लेखापढी कानुन व्यवसायी एसोसिएसन कास्कीले मुख्यमन्त्री कृष्णचन्द्र नेपाली पोखरेललाई ज्ञापनपत्र बुझाएको छ । एसोसिएसनका अध्यक्ष खडानन्द लामिछाने नेतृत्वको टोलीले आइतबार मुख्यमन्त्रीसामु अनावश्यक बढाइएको कर घटाउन आग्रह गर्दै ज्ञापनपत्र बुझाएको हो । मालपोत कार्यालयबाट प्रदान गरिने सेवा एवं लिखत रजिस्ट्रेसन, नामसारी र धितो रोक्कामा बढाइएको करको दर समय सान्दर्भिक नभएको व्यवसायीको भनाइ छ । अंशबण्डामा समेत अहिले कर बढाइएको भन्दै वागमती र अन्य प्रदेशमा भन्दा गण्डकीमा अस्वाभाविक रुपमा कर बढाउनुको औचित्यसमेत नरहेको उनीहरुले दाबी गरेका छन् ।
ढाड सेक्ने गरी हरेक क्षेत्रमा लगाएको करका कारण सर्वसाधारणको जनजीवनमा असर पर्न गएको अवस्थामा प्रदेश सरकारले जारी गरेको करले प्रदेशबासी मारमा परेको ज्ञापनपत्रमा उल्लेख छ । गण्डकी प्रदेश सरकारले करको दरभन्दा पनि करका दायरा बढाउने भनिए पनि व्यापक रुपमा कर बढाउँदा सबै क्षेत्रमा प्रभाव परेको बताइएको छ ।
मालपोत कार्यालयबाट दिइने सेवामा अनावश्यक कर नलिनको लागि जोडदार माग गरिएको छ । साथै सवारी साधनमा बढाइएको करलाई समेत घटाउने पहल गर्न ज्ञापनपत्रमा माग गरिएको छ ।
एसोसिएसनले अर्थमन्त्री रामजीप्रसाद बराललाई पनि ज्ञापनपत्र बुझाउने भएको छ । प्रमुख प्रतिपक्षी दल नेकपा एमाले संसदीय दल सचेतक मायानाथ अधिकारी, विधायन समिति सभापति विष्णु लामिछानेलाई समेत व्यवसायीले भेटेर यसबारेमा जानकारी गराएका छन् ।
मुख्यमन्त्रीलाई ज्ञापनपत्र बुझाउन एसोसिएसनका केन्द्रीय सचिव हरिप्रसाद शर्मा, लेखानाथ इकाइ अध्यक्ष ऋषिराज आचार्य, जिल्ला समन्य समिति सचिव जयलाल अधिकारी, गण्डकी प्रदेश लेखा समिति संयोजक डिल्लीरमण पौडेललगायत पुगेका थिए ।
Related News
सम्बन्धित समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
hero news full width
मुख्य समाचार
इलाम २ मा सुवासपुत्र सुहाङ नेम्बाङ विजयी
मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१