लमजुङ । जिल्लाका ४ नगरपालिकामा वितरण हुने खानेपानीमा इ–कोलीका जीवाणु फेला परेका छन् । यसले लामखुट्टेबाट सर्ने रोगको भय देखिएको छ ।
स्वास्थ्य कार्यालय लमजुङले एक कार्यक्रम गरी पत्रकार र सारोकारवालालाई त्यस्तो जानकारी दिएको हो । प्रमुख जिल्ला अधिकारी सुशील वैद्यले प्राविधिक विषयमा ज्ञान दिलाउनुका साथै लामखुट्टेबाट सर्ने रोगको भय रहेको र खानेपानी शुद्धीकरण गर्नुपर्छ भन्ने सन्देश दिएको बताए । अहिले हिमाली भेगमा समेत लामखुट्टे देखिएका भन्दै उनले लमजुङ खानेपानीमा धनी जिल्लाका रुपमा परिचित रहेको दाबी गरे । उनले यस्ता कुरामा सरोकारवाला सबैको पहलमा न्युनीकरण गर्न सकिने बताउँदै सामुहिक पहल गर्न आग्रह गरे । एकीकृत भेक्टर सर्भिलेन्स तथा खानेपानी परीक्षण नतिजासम्बन्धी अन्तरक्रिया कार्यक्रममा उल्लेखित विषय चर्चा भएको हो ।
स्वास्थ्य कार्यालयका जनस्वास्थ्य निरीक्षक दीपक वमजनले खानेपानी परीक्षण नतिजा सार्वजनिक गर्दै जिल्लाका ८ पालिकामध्ये दूधपोखरी बाहेक अन्यत्रका प्रमुख स्थलमा रहेका खानेपानी आयोजनाको खानेपानीको परीक्षण गरिएको जानकारी दिए । खानेपानी मुहानदेखि मुखसम्म शुद्ध हुनुपर्ने सिद्धान्त रहेको जानकारी दिंदै उनले जिल्लाका अधिकांश खानेपानीमा इकोली जीवाणु फेला परेको बताए । उनका अनुसार खानेपानी परीक्षण प्रदिवेदन अनुसार पिउनुअघि खानेपानी शुद्धिकरण गरेर मात्र पिउनु पर्ने देखिएको छ । उनले भने, ‘खानेपानीमा इ–कोली देखिनुको अर्थ त्यसमा दिसाका कण मिसिएको छ भन्ने हो, जसले जुन कुनै पनि बेला हैजा लगायतको महामारी फैलाउन सक्छ ।’
‘यो जीवाणुको अर्थ दिसाका कण मिसिएको छ भन्ने हो, जसले हैजालगायतको महामारी फैलाउन सक्छ’
फोकलपर्सन यम बरालले एकीकृत भेक्टर सर्भिलेन्सको प्रतिवेदन सार्वजनिक गर्र्दै जिल्लाको दक्षिणी क्षेत्रमा रहेका ३ नगरपालिका राइनास, सुन्दरबजार र मध्यनेपालमा लामखुट्टे संकलन गरी कुन–कुन रोगको जोखिम छ भन्ने जान्ने प्रयास गरिएको बताए । उनका अनुसार ३ वटै नगरपालिकामा लामखुट्टेको प्रकोप रहेको भेटिएको छ भने राइनास नगरपालिका र सुन्दरबजार नगरपालिकामा डेङ्गु, हात्तीपाइले र कालज्वारको प्रकोप छ । मध्यनेपाल नगरपालिकामा भुसुनाजन्य रोग अर्थात् मलेरियाको प्रकोप फैलन सक्ने देखिएको छ । सहभागीले यसबारे जिम्मेवार निकायले ध्यानाकर्षण गराउन आग्रह गरे । अनुगमन कोबाट हुने हो भन्ने प्रश्न विशेष रुपमा उठाएका थिए । यसका लागि स्थानीय तह जिम्मेवार निकाय भएको भन्ने जवाफ दिइएको थियो ।
नेपाल पत्रकार महासंघ जिल्ला अध्यक्ष परमेश्वर अधिकारीको अध्यक्षतामा भएको कार्यक्रममा स्वास्थ्य कार्यालयका प्रमुख अमर दवाडी र संघीय खानेपानी तथा ढल व्यवस्थापन आयोजनाका प्रमुख इ.शेखरचन्द्र ऋषीले अन्तरक्रियामा उठेका प्रश्नको जवाफ दिएका थिए ।
Related News
सम्बन्धित समाचार
धुँवा पुत्याउने गाडी फन्दामा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
पोखराको चाउथेमा बिजुली पसलमा आगलागी हुँदा १ करोडको क्षति
बुद्धजयन्तीमा याङ्जाकोटमा मेला
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१