पोखरा । एसओएस हर्मन माइनर स्कुल, घारीपाटनमा विद्यार्थी परिषद्को एक कार्यक्रमबीच पुनर्गठनसँगै पदस्थापन भएको छ ।

हरेक वर्ष विद्यार्थीको शैक्षिक गतिविधिलाई चुस्त, दुरुस्त र प्रभावकारी राख्न परिषद्को गठन गरिएको विद्यालयका प्राचार्य फूर्वू ठिन्लेको भनाइ छ । विद्यार्थीमैत्री वातावरणमा अध्ययन अध्यापन हुँदै आएको विद्यालयमा विद्यार्थीको चौतर्फी विकास गर्न विद्यार्थीलाई नै क्रियाशील हुने गरी हरेक वर्ष परिषद्को गठन गरिएको उनको भनाइ छ । काउन्सिलमा विद्यालय नायकमा ढुन्डुप छिरिड. र तेन्जिन छेतेन चयन भए ।

विद्यार्थी प्रिफेक्टहरु छात्रतर्फ कर्म टासी, टासी फुन्चोक, छिरिड. शेर्पा र रिन्जिन ढुन्डुप छन् । छात्रामा छिरिड युडोन, डोल्मा तामाड., पासाड. डोल्मा र अनिता गुरुङ चयन भए । परिषद्ले शैक्षिक वर्ष सन् २०२२ र ०२३ का लागि काम गर्ने छ । सिनियरतर्फ दीपेन गुरुङ र पेमा डोल्मा छन् । पदस्थापनमा उर्गेन दावा, गोविन केसीलगायत शिक्षकले आफ्नो मन्तव्य राखेका थिए ।

विद्यार्थी नायक ढुन्डुप छिरिङले विद्यार्थीको अनुशासनलाई कायम राख्दै सिर्जनशील बन्न प्रेरित गर्ने बताए । छात्रा नायक तेन्जिन छेतेनले विद्यार्थीलाई कर्तव्यनिष्ठ र अनुशासित बनाउन आफ्नो नेतृत्व क्रियाशील रहनेमा जोड दिइन् । सो अवसरमा प्रिफेक्ट र छात्रछात्रा नायकले सपथ खाएर शैक्षिक गुणस्तर कायम राख्न नवगठित परिषद् सदैव लागिपर्ने प्रतिबद्धता जनाएको शिक्षक अमृत घिमिरेले दिए ।