तनहुँ । गत माघ महिनादेखि युरिया मल अभाव हुँदा तनहुँका किसान मारमा परेका छन् । मकै र चैते धान बालीमा मल प्रयोग गर्न नपाउँदा उत्पादनमा कमी आउने किसानको चिन्ता छ । दैनिक किसान आउने गरे पनि खाली हात फर्किनुपर्ने बाध्यता रहेको कृषि सामग्री कम्पनी लिमिटेड शाखा कार्यालय दमौलीका प्रमुख दिनेश शर्माले जानकारी दिनुभयो ।
करिब पाँच महिनादेखि युरिया मल आयत नहुँदा किसानले चर्को समस्या भोग्नुपरेको छ । उहाँले भन्नुभयो, “कार्यालयमा पोटास मल करिब ६० टन स्टक रहे पनि डिएपी मल यसअघि नै किसानलाई वितरण गरिसकिएको छ ।” सरकारले ग्लोबल टेण्डरमार्फत विश्वका जुनसुकै मुलुकबाट खरिद गरी ल्याउने प्रक्रियामा रहेकाले असार पहिलो साताभित्र युरिया मल आउने आश्वासन मन्त्रालयबाट पाइएको उहाँले बताउनुभयो ।
“खरिद गर्ने हाम्रो अधिकार हँुदैन”, उहाँले भन्नुभयो, “मन्त्रालयबाट खरिद गरी कृषि सामग्री कम्पनीलाई दिएको मल वीरगञ्ज कार्यालयबाट विभिन्न जिल्लालाई पठाएको मल प्राप्त गरी किसानलाई वितरण गर्ने गरिएको छ ।” गत साउनदेखि माघसम्म ६०० टन युरिया मल किसानलाई वितरण गरिए पनि त्यसपछि मल आयात नहुँदा किसानले समस्या भोग्नुपरेको उहाँँले जानकारी दिनुभयो ।
युरिया मल अभाव भएको बजारमा विभिन्न माध्यमबाट आएको मल बिक्री वितरण गर्न व्यास नगरपालिकाले अनुमति दिएको छ । अनुमतिपत्र लिएका र गुणस्तर खाद्य तत्व भएको मल बिक्री गर्न निर्णय नै गरी बिक्रीका लागि अनुमति दिइएको व्यास नगरपालिका कृषि शाखाका प्रमुख विश्वराज वाग्लेले जानकारी दिनुभयो । उहाँका अनुसार युरिया मल प्रतिकिलो रु ५५ मा बिक्री गर्न अनुमति दिइएको छ । दिनैभरि मल छैन भन्दै किसानलाई फकाउनुपरेको मलखाद व्यवसायी सङ्घ तनहुँका अध्यक्ष एवं पशुपति बीज भण्डार दमौलीका सञ्चालक गुञ्जमान कोइरालाले बताउनुभयो ।
Related News
सम्बन्धित समाचार
‘कुखुरा कल्याणमा केज प्रणाली अनुपयुक्त’
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
hero news full width
मुख्य समाचार
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१