पोखरा, ३० वैशाख । स्थानीय तह निर्वाचनअन्र्तत कास्कीमा ६५ प्रतिशत मत खसेको छ । पोखरास्थित निर्वाचन कार्यालय अनुसार कास्कीका एक महानगरसहित ५ पालिकामा गरी कुल ६५ प्रतिशत खसेको हो ।
निर्वाचन कार्यालयका सूचना अधिकारी रुद्र न्यौपानेले शुक्रबार भएको स्थानीय तह निर्वाचन शान्तिपूर्ण वातावरणमा सम्पन्न भएको र कुल ६५ प्रतिशत मत खसेको बताए ।
कास्कीमा २ लाख ८१ हजार ८ सय ३३ मतदाता हुन् । कास्कीमा ७२ वडा छन् । पोखरामा मात्र ३३ वडा छन् । पोखरा महानगरपालिकामा २ लाख ७ हजार ७ सय १२ जना मतदाता छन् । चुनावमा पोखरामा ९८ वटा मतदानस्थलका २ सय ४२ मतदान केन्द्र तय गरिएको थियो । समग्र कास्कीमा भने १ सय ५० मतदानस्थलमा ३ सय ३६ मतदान केन्द्र थिए ।
जिल्लाको ग्रामीण भेगमा मतदानको लागि मतदाताको उत्साहजनक उपस्थिति देखिन्थ्यो । सहरी क्षेत्रमा भने खासै उत्साह देखिएन । दिउँसो वर्षाका कारण केही मतदान केन्द्रमा मतदान कार्य लम्बिएको थियो । टन्टलापुरे घामको समेत परवाह नगरी मतदाता लाइन बसेर मताधिकारको प्रयोग गरेका थिए । मतदानका लागि किरियापुत्रीसमेत सहभागी थिए ।
मतदान कार्य सम्पन्न पछि सबै मतदान केन्द्रबाट मतपेटिका शुक्रबार राति अबेरसम्ममा संकलन हुने जनाइएको छ । पोखरा महानगरपालिकामा भने शनिबार बिहान सर्वदलीय बैठक पछि मात्र मतगणना सुरु हुने मुख्य निर्वाचन अधिकृत श्रीकृष्ण भट्टराईले जानकारी दिए ।
सहिदचोकस्थित जिल्ला समन्वय समिति, मुख्य निर्वाचन अधिकृतको कार्यालय रहेको पोखरा उपत्यका नगर विकास समितिको सभाहलमा गणना हुनेछ । मतगणना सुरक्षाका लागि तारजाली लगाएर व्यवस्थित गरिएको छ ।
पोखरा महानगरपालिकाको मेयरमा मात्र २३ जना र उपमेयरमा ८ जनाले प्रतिस्पर्धा गरेका छन् । पोखरामा एमाले र गठबन्धनबीच मेयर, उपमेयर, वडाध्यक्ष र सदस्यमा मुख्य प्रतिस्पर्धा छ । कास्कीका ५ पालिकामा गरी ३ सय ७० जना जनप्रतिनिधि चुनिने छन् ।
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१