पोखरा । कांग्रेस नेता एवं गृहमन्त्री बालकृष्ण खाँण भरतपुर महानगरपालिकामा पार्टीका तर्फबाट बागी उम्मेदवारी दिएका नेता मिलाउन चितवनमा व्यस्त छन् ।

मन्त्री खाँणले भरतपुरको मेयर पदमा उम्मेदवारी दिएका पूर्वसांसद जगन्नाथ पौडेलको प्रस्तावक  पूर्वजिल्ला सभापति कृष्णलाल सापकोटालाई भेटेका छन् । उनले प्रस्तावक सापकाेटासँग  उम्मेदवारी फिर्ता लिने वातावरण मिलाइदिन आग्रह गरेका छन् ।

गठबन्धन र चुनावी तालमेल राष्ट्रिय आवश्यकता बनेको भन्दै गृहमन्त्री खाणले भरतपुरका कारण देशैभरी कांग्रेसलाई समस्या पर्ने भन्दै स्वतन्त्र उम्मेदवारी फिर्ता गराउन आग्रह गरेका हुन् ।

गृहमन्त्री खाणले लंकुस्थित सापकोटाको निवासमै पुगेर उम्मेदवारी फिर्ता गराउन आग्रह गरेका हुन् । जवाफमा सापकोटाले भरतपुरका कांग्रेसले रुखमा भोट हाल्न नपाउनु बिडम्बना रहेको भन्दै उम्मेदवारी यथावत रहने बताएका छन् ।

गृहमन्त्री खाणले आजै भरतपुरको मेयरमा स्वतन्त्र उम्मेदवारी दिएका कांग्रेस नेता जगन्नाथ पौडेललाई पनि भेट्दैछन् ।

राज्यमन्त्री उमेश श्रेष्ठ समेत यसैका लागि चितवनमा छन् ।