पोखरा । आइडब्लुएस हेमकान्ति आर्ट ग्यालरीद्वारा आइडब्लुएस भियतनामको सहकार्यमा पोखरामा मंगलबारदेखि ‘पहिलो पोखरा अन्तर्राष्ट्रिय आर्ट फेस्टिभल–२०२२’ सुरु भएको छ । ३ दिनसम्म चल्ने फेस्टिभलमा २८ देश सहभागी छन् । जसमा ६० वटा चित्रकला प्रदर्शनीमा राखिएका छन् । पोखरामा छानिएका ३० वटा चित्रकला पछि भियतनाममा प्रदर्शन समेत हुने जनाइएको छ ।
फेस्टिभलमा उत्कृष्ट १० मा पर्न सफल रहेका चित्र, कलाकार र देशको नाम घोषणा गरिएको थियो । विभिन्न देशबाट प्राप्त चित्रकलामध्ये चीनका सन जियन ग्यांगको चित्र पहिलो भयोे । यस्तै, बुलगेरियाको मगडलेना केलिभाको चित्रकला दोस्रो र रुसका निकोले सोलोडोभको चित्रकला तेस्रो भएको थियो । नेपालबाट भने राजदुर जोशीको चित्रकला चौथो भएको थियो । यी बाहेक टर्की, युक्रेन र भारतका कलाकारको कलाकृतिले विभिन्न स्थान प्राप्त गरेका थिए । विभिन्न ४ देशका कलाकार निर्णायक थिए । टर्किस क्यानेडाली कलाकार तथा आइडब्लुएस ग्लोबका प्रमुख एटानुर डोगन, मेक्सिकोकी कलाकार तेरी लेजोरी, हङकङकी कलाकार जेजे ली र चेक रिपब्लिककी कलाकार एलेक्जेण्ड्राले उत्कृष्ट १० चित्रकला छानेका हुन् ।
फेस्टिभलमा उत्कृष्ट १० मा पर्न सफल चित्र, कलाकार र देशको नाम घोषणा गरिएको थियो
पहिलो दिनको कार्यक्रममा पर्फमेन्स आर्ट समेत देखाइएको थियो । कलाकार ज्योति गुरुङ, तायमा राई, शारदा नेपाली, सुहानी आलेमगर र आयशा तुलाचनले पहेंलो रङको थिममा प्रस्तुति दिएका थिए ।
फेस्टिभलमा बिक्रीका लागि चित्रकलाका पनि राखिएका छन् । बिक्री गरिएको कृतिबाट प्राप्त ७० प्रतिशत रकम सम्बन्धित कलाकारलाई र बाँकी रकम आइडुब्लुएस आर्ट कोषलाई जानेछ । सो कोष प्राकृतिक प्रकोप, युद्धजस्ता आपतकालीन घटनाबाट पीडित देशको लागि संचालनमा ल्याइएको हो ।
चित्रकला बाहेक अन्य कलाकृति पनि प्रदर्शनीमा छन् । फोहोरजन्य सामाग्रीबाट सबु लामाले बनाएको विद्यालयको झोला, जुत्ता, ह्यागंर, डस्टर र काष्ठकला छन् । यस्तै कलाकार सोमबहादुर बिकले बाँसबाट बनाएको घर तथा इयररिंङ लगायत छन् ।
कार्यक्रम उद्घाटन गण्डकी प्रज्ञा प्रतिष्ठानका कुलपति सूर्य खड्का ‘बिखर्चीले गरेका थिए । यस्तै, कलाकार दुर्गा बराल, संस्कृतिकर्मी तस्र्थ श्रेष्ठ र प्राज्ञ बुद्धि गुरुङले संयुक्तरुपमा रिबन काटेका थिए ।
Related News
सम्बन्धित समाचार
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
सफलको चिनीरहित दही बजारमा
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१