पोखरा । गणतन्त्र स्थापनापछि भएको स्थानीय तहको पहिलो चुनावमा महिला उपमै सीमित गरिए । मेयर र अध्यक्षमा चुनिने महिला औंलामै गन्न सकिने छन् । देश फेरि स्थानीय चुनावको संघारमा छ ।
यही परिवेशलाई दृष्टिगत गर्दै नारी जागरण अभियान गण्डकीले ‘नेतृत्वमा महिला’ अभियान चलाउने भएको छ । सोमबार भएको छलफलले अभियान चलाउने निर्णय गरेको हो । २० गते बागलुङमा औपचारिक कार्यक्रम गरी अभियान सुरु हुने संयोजक अञ्जु केसीले जानकारी दिइन् । छलफलका सहभागीले यो अभियान राजनीतिदेखि समाजका सबै क्षेत्रमा जरुरी भएकाले आफूहरु सक्रियतापूर्वक यसमा लाग्ने प्रतिबद्धता गरेका थिए ।
अभियानअन्तर्गत नेतृत्वमा महिलालाई स्थापित गर्न माग गर्दै प्रधानमन्त्री, राष्ट्रपति र प्रमुख दलका प्रमुखहरुलाई ज्ञापनपत्र बुझाइनेछ । पहिलो चरणमा गण्डकी प्रदेशका जिल्लामा यसबारे कार्यक्रम गरिने केसीले बताइन् । अन्तर्राष्ट्रिय महिला दिवसको सन्दर्भमा नेतृत्वमा महिलाबारे अन्तरसंवाद गर्ने संस्थाको तयारी छ । केसीले भनिन्, ‘टोलदेखि देशको नेतृत्व तहसम्मै महिलालाई किनारामा पारिएको छ । अहिले राष्ट्र प्रमुख महिला हुनुहुन्छ, त्यति नै पर्याप्त होइन । कार्यकारी प्रधानमन्त्रीमा खोइ त अहिलेसम्म महिला ? नेतृत्वमा महिलाको सन्तोषजनक सहभागिता नभएसम्म यो अभियानको अर्थ रहन्छ ।’
नारी जागरण अभियानले बेला बेलामा विभिन्न अभियान चलाउँदै आएको छ । भड्किलो मुक्त तीज अभियान, विभिन्न चाडपर्वका विकृति रोक्न सचेतना अभियान, अन्यायमा परेका महिलाको अधिकारका लागि वकालत गर्दै आएको संस्थाले कोभिड महामारी सुरु भएपछि मास्क र पिपिई तयार गरी वितरण गर्ने अभियानसमेत गरेको थियो । अभियानले आर्थिक समस्यामा रहेका छात्राहरुलाई अध्ययनका लागि सहयोगसमेत गर्ने गरेको छ ।
Related News
सम्बन्धित समाचार
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
सफलको चिनीरहित दही बजारमा
फेवाबाट जलकुम्भी हटाउन अभियान सुरु
पोखरा जेसीजको ७ दिनमा, ७ कार्यक्रम
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१