परासी । पश्चिम नवलपरासीका सुनवल र बर्दघाट नगरपालिकाले कक्षा १ देखि ८ सम्म स्थानीय पाठ्यक्रमअनुसार पठनपाठन गर्न सुरु गरेका छन् । स्थानीय पहिरन, भौगोलिक, सामाजिक, आर्थिक र सांस्कृतिक सम्पदाको विषय समेटेर स्थानीय पाठ्यक्रम तयार पारिएको हो । जसमा आफ्नो स्थानीय तहको विशेषता, अक्षांश र देशान्तर रेखासहितको प्राविधिक पक्ष समेटिएको छ ।
सुनवल नगरपालिकाले कक्षा १ देखि ८ सम्मका लागि ‘हाम्रो सुनवल’ नामक पुस्तक तयार पारेको हो । नगरभित्रका सामुदायिक र निजी विद्यालयमा यो पुस्तक अनिवार्य गरिएको छ । विज्ञसहितको समूहले १ वर्षसम्म अध्ययन अनुसन्धान गरेर पुस्तक तयार पारेको हो । जसमा नगरभित्रका धार्मिक–सांस्कृतिक सम्पदा, प्राकृतिक सम्पदा, कृषिदेखि आधुनिक संरचनाका विषय समेटिएको जनाइएको छ ।
सुनवल नामकरणको अवस्थादेखि जातजाति र खानपानसम्मको जानकारी यसमा समेटिएको सुनवल नगरपालिकाका प्रमुख प्रशासकीय अधिकृत अशोक कोइरालाले बताए । ‘संघीयताको असल अभ्यासअन्तर्गत यो पाठ्यपुस्तक तयार पारिएको हो,’ उनले भने, ‘आफ्नो गाउँठाउँ यसमा समेटिएको छ ।’
स्थानीय पाठ्यपुस्तकले धर्म–संस्कृतिलाई सम्मान गर्ने बानीको विकास हुने महाकवि देवकोटा माध्यमिक विद्यालयका सञ्चालक समिति अध्यक्ष ज्ञानहरि अर्यालले बताए । ‘सुनवल नगरपालिकामा वर्षौंसम्म अध्ययन गर्ने अनि कसैले आफ्नै स्थानको विषयमा सोध्यो भने पुस्तकमा छैन भन्दै विद्यार्थी लज्जाबोध गर्नुपर्ने अवस्था छ,’ उनले भने, ‘आफ्नै घर र स्थानको अक्षांश र देशान्तरबारे उच्च शिक्षा हासिल गरेका विद्यार्थीलाई थाहा छैन । प्रयोगात्मक र आफ्नो स्थान र परम्पराको जगेर्ना गर्न यो पुस्तक फलदायी हुनेछ ।’
यसैगरी, बर्दघाट नगरपालिकाको पनि आफ्नै पाठ्य पुस्तक तयार भएको छ । नगर प्रमुख धीरज शर्मा बस्यालका अनुसार नगरपालिकाले यस शैक्षिक सत्रबाट कक्षा, १, २, ३ र ६ मा बर्दघाट सेरोफेरोनामक आफ्नै पाठ्यक्रम विद्यालयमा लागु गरेको हो । अर्को वर्ष कक्षा ४, ५, ७ र ८ मा लागु हुने गरे तयारी गरिएको नगर प्रमुख शर्माले बताए ।
बर्दघाट नगरपालिकाका स्वास्थ्य शाखा प्रमुख इन्द्र कुँवरका अनुसार पाठ्यपुस्तक यसै शैक्षिक सत्रबाट लागु भए पनि पुस्तकको अन्तिम रुप दिन बिहीबार बर्दघाट नगरपालिकाले नगरपालिकाका शिक्षा क्षेत्रका विज्ञहरुसँग छलफल गरेको छ । कुँवरले भने, ‘पाठ्यक्रमलाई विज्ञले अन्तिम रुप दिएर हामीले उपलब्ध गराउनु हुनेछ ।’
Related News
सम्बन्धित समाचार
स्टेप बाई स्टेप माविमा सर्कलहरू पुनर्गठन
नेसनल क्रियसनमा निर्वाचन
विन्ध्येश्वरी आदर्शमा चित्रकला
बालोदयमा विद्यार्थी क्लबका लागि निर्वाचन
डिज्नील्यान्डमा चुनाव सिकाउन मतदान
hero news full width
मुख्य समाचार
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१