पोखरा, १२ माघ । राष्ट्रियसभा सदस्यको १९ रिक्त पदका लागि बुधबार मतदान भएको छ । देशका विभिन्न प्रदेशमा कायम रहेका ८ मतदानस्थल र १४ केन्द्रमा बिहान ९ देखि दिउँसो ३ बजेसम्म मतदान भएको हो ।
यसैक्रममा गण्डकी प्रदेशमा गठबन्धनले ३ वटै पदमा चुनाव जितेको छ । सत्ता गठबन्धनका उम्मेदवार भुवनबहादुर सुनार (दलित), कमला पन्त (महिला) र सुरेशकुमार आलेमगर (अन्य) निर्वाचित भएको निर्वाचन अधिकृत श्रीकृष्ण भट्टराईले जानकारी दिए ।
जसअनुसार नेकपा (माओवादी केन्द्र) बाट दलित कोटामा निर्वाचित भुवनबहादुर सुनारले ३,०४८ मतभार प्राप्त गरेका छन् । उनका प्रतिस्पर्धी एमालेका अर्जुनकुमार सुनामले २७२४ मत प्राप्त गरे ।
नेपाली कांग्रेसका तर्फबाट महिलातर्फ निर्वाचित कमला पन्तले ३०८४ मतभार प्राप्त गरिन् । उनका प्रतिस्पर्धी एमालेकी लीला पोखरेल थनेतको २७२४ मतभार आयो ।
यस्तै, नेकपा (माओवादी) बाट अन्यमा सुरेशकुमार आलेमगरले ३०९६ मतभार प्राप्त गर्दै राष्ट्रिय सभा सदस्य बन्दा प्रतिस्पर्धी एमालेका पुण्यप्रसाद पौडेलले २६९४ मतभार पाए ।
पोखरास्थित निर्वाचन आयोगको कार्यालयमा भएको निर्वाचनमा प्रदेशसभा सदस्यबाट ५९ र स्थानीय तहबाट १ सय ६८ गरी कुल २ सय २७ मत खसेको थियो ।
आगामी फागुन २० गते नेकपा (एमाले) का ८, नेकपा (एकीकृत समाजवादी) का ४, नेकपा (माओवादी केन्द्र) का ४ र नेपाली कांग्रेसका ३ सदस्यको पदावधि सकिंदै छ । सदस्यको पदावधि समाप्त हुन ३५ दिनअघि नै निर्वाचन गर्नुपर्ने प्रावधान अनुसार बुधबार मतदान भएको हो । अन्य प्रदेशबाट पनि कांग्रेससहितको गठबन्धनका उम्मेदवारले चुनाव जितेका छन्।
Related News
सम्बन्धित समाचार
शिवशक्ति मार्ग टोल विकास संस्थाद्वारा ४४ ज्येष्ठ नागरिकको सम्मान
ज्येष्ठ नागरिकमैत्री विविध सांस्कृतिक तथा भजन प्रतियोगिता तयारी पूरा
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
hero news full width
मुख्य समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१