पोखरा । सशस्त्र प्रहरीको एपिएफ क्लब २० औं आहारारा गोल्डकप फुटबल प्रतियोगिताको सेमिफाइनल प्रवेश गरेको छ । शनिबार पोखरा रंगशालामा भएको पहिलो क्वाटरफाइनलमा पाहुना टोली बिवाईएससी मिनेसोटा, अमेरिकालाई ३–१ ले हराउँदै अन्तिम चारमा स्थान बनाएको हो ।
सहारा क्लब पोखराले आयोजना गरेको आहारारामा एकपल्टमात्र फाइनल यात्रा तय गरेको विभागीय एपिएफ यतिबेला राम्रो लयमा छ । यसअघि उद्घाटन खेलमा आयोजक सहारा क्लब पोखराको चुनौती २–० गोलअन्तरले पन्छाएको एपिएफ अब फाइनल पुग्न मच्छिन्द्र र संकटाको विजेतासँग १२ माघमा प्रतिस्पर्धा गर्नेछ।
शनिबारको खेल पहिलो हाफ गोलरहित बराबरीमा टुंगिएको थियो । दोस्रो हाफको सुरुआतमै गोल गरेर अग्रता लिएको पाहुना टोलीले त्यसलाई टिकाइरहन नसक्दा जीत सुम्पिएको हो । खेलको ४७ औं मिनेटमा मेगल पालाफोक्सको गोलबाट बिवाईएससीले अग्रता लिएको थियो ।
पछि एपिएफले उत्कृष्ट पुनरागमन ग¥ये । ७० औं मिनटमा आवाश लामिछानेले पेनाल्टीबाट एपिएफका लागि बराबरी गोल फर्काउन सफल भए । त्यसको १४ मिनेट नबित्दै ८४ औं मिनटमा एफिएफले गोलअन्तर २–१ मा पु¥यायो । रवि थिङले व्यक्तिगत पहिलो र एपिएफका लागि दोस्रो गोल गर्न सफल भए । म्यान अफ दि म्याच समेत घोषित उनै थिङले दोस्रो हाफको इन्जुरी टाइममा व्यक्तिगत दोस्रो तथा टोलीका लागि तेस्रो गोल थप्दै जीत सुनिश्चित पारेका हुन् । उनले पुरस्कारवापत नगद ८ हजार र ट्रफी हात पारे ।
आइतबारको दोस्रो क्वाटरफाइनल खेल मनाङ मस्र्याङ्दी क्लब र नेपाल पुलिस क्लबबीच हुने आयोजक सहरा क्लब पोखराले जनाएको छ । अघिल्लो महिना पोखरा रंगशालामै सहिद स्मारक ए डिभिजन लिगअन्तर्गत ३ वटै खेल जितेर फर्किएको मनाङ यतिबेला सिधैं बाई पाएर क्वाटरफाइनल खेल्न लागेको हो । विभागीय नेपाल पुलिस क्लबले दोस्रो प्रिक्वाटरफाइनलमा हिमालयन शेर्पा क्लबलाई सडन डेथको शिकार बनाउँदै मनाङको भेट सुनिश्चित गरेको हो।
Related News
सम्बन्धित समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१