लमजुङ । जेसिजको तीनदिने राष्ट्रिय प्रशिक्षक प्रशिक्षण यहाँ सुरु भएको छ । प्रशिक्षणमा मुलुकका विभिन्न जिल्लाबाट ५१ जना सहभागी भएका छन् ।
जेसिज वर्ष २०२१ राष्ट्रिय समितिको आयोजना तथा लमजुङ जेसिजको आतिथ्यतामा सञ्चालन भएको प्रशिक्षणको जिल्ला समन्वय समितिका प्रमुख लोकराज पाण्डेले उद्घाटन गरे । उनले आत्मविश्वासका साथ अघि बढेमा युवाहरू परिवर्तनका वाहक हुन सक्ने बताए ।
संस्थाका अध्यक्ष अरुणेश्वर खनालले युवाका लागि व्यक्तित्व, सामाजिकता, वैदेशिकता र आर्थिक क्षेत्रमा काम गर्न नेतृत्व क्षमताको विकास गरेर समाज रुपान्तरणमा जेसिजमा आवद्ध युवाहरूमा उर्जा भर्ने उद्देश्यले प्रशिक्षक प्रशिक्षणको आयोजना गरेको बताए । उनले यहाँबाट प्रमाणपत्र लिएपछि कम्तीमा ५ वटा कक्षा सञ्चालनका लागि अवसर दिएर सहभागीको क्षमतामा निखारता ल्याउने कार्यक्रम सुनाए ।
प्रमुख प्रशिक्षक जेसिजको पूर्वराष्ट्रिय अध्यक्ष राजु केसीले विगतका वर्षका भन्दा प्रशिक्षणमा फरकशैलीका सामग्री समावेश गरेर सहभागिता र प्रयोगात्मक विधिबाट प्रशिक्षण सञ्चालन गर्ने जानकारी दिए । उनले भने, ‘अनुशासन, आत्मबल र विषयप्रतिको लगाव ठूलो विषय हो त्यसका आधारमा सहभागीलाई प्रमाणपत्र दिइने छ ।’
कार्यक्रममा संस्थाका कार्यकारी उपाध्यक्ष शिव भुषालले यो प्रशिक्षण थप लिडर बनाउने अभियान हो भने । उक्त कार्यक्रममा निरुपित कार्यकारी उपाध्यक्ष भोजराज चौलागाईं, प्रशिक्षक दीपेन्द्र निरौला, राष्ट्रिय कोषाध्यक्ष शोभा भुजेल लगायतको शुभकामना मन्तव्य व्यक्त गरेका थिए ।
कार्यक्रममा लमजुङ शाखा अध्यक्ष विकास श्रेष्ठले स्वागत, उक्त प्रशिक्षणका संयोजक लमजुङ जेसिजका कोषाध्यक्ष सूर्य गुरुङले धन्यवाद ज्ञापन गरेको कार्यक्रमको सञ्चालन लमजुङ जेसिजका पूर्वअध्यक्ष अनुज अधिकारीले गरेका थिए ।
सो अवसरमा लमजुङ जेसिजको मातृशाखा व्यास जेसिजले उक्त कार्यक्रमको सहयोगार्थ २५ हजार रुपैयाँ लमजुङ शाखालाई हस्तान्तरण गरेको थियो ।
Related News
सम्बन्धित समाचार
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१