पोखरा । अखिल नेपाल फुटबल संघ (एन्फा) को आयोजनामा पोखरामा जारी राष्ट्रिय ‘ए’ डिभिजन फुटसल लिगमा क्लबहरुले रेफ्रीको निर्णयप्रति असन्तुष्टि जनाएका छन् । प्रतियोगितामा सहभागी १० वटै क्लबहरुले शुक्रबार रेफ्रीको कमजोर निर्णय शैलीको विरोध गर्दै एन्फाको फुटसल कमिटीलाई ज्ञापनपत्र बुझाए ।
क्लबका प्रशिक्षक तथा म्यानेजरहरुले रेफ्रीका विभिन्न ७ कमजोरी औंल्याउँदै एन्फाअन्तर्गत फुटसल कमिटीका प्रमुख विनोद गुरुङलाई ज्ञापनपत्र बुझाएका हुन् । ज्ञापनपत्रमा रेफ्रीमा कमजोर निर्णय क्षमता, घरेलु तथा दर्शकको दबाब थेग्न नसकेको, अनुभवको कमी नियमप्रति पूर्ण जानकार नभएको लगायत आरोप लगाइएको छ । रेफ्रीको कमजोर निर्णय शैलीले प्रतियोगितामा नै नकारात्मक असर पर्न गएको विज्ञप्तिमा उल्लेख गरिएको छ ।
रेफ्रीबाट भएको कमी कमजोरी छिटो समाधान नगरिए लिगबाट बाहिरिने चेतानवी उनीहरुले विज्ञप्तिमार्फत् दिएका छन् । एन्फालाई ज्ञापनपत्र बुझाउँदै नेपाल फुटसल व्यवसायी संघका अध्यक्ष एवं ढुकु फुटसल हबका मुख्य प्रशिक्षक राज महर्जनले सबै रेफ्री नयाँ भएकाले परिपक्व निर्णय लिन नसकेको आरोप लगाए । सुरुमा अरु टिमले असन्तुष्टि जनाए पनि पोखराका टिमहरु रेफ्रीबारे बोलेका थिएनन् । तर पोखराका दुवै टिमले असन्तुष्टि जनाएपछि ज्ञापनपत्र बुझाउनु परेको उनले बताए ।
ज्ञापनपत्र बुझेपछि एन्फा फुटसल प्रमुख विनोद गुरुङ टिमले गरेको गुनासोका विषयमा त्रिपक्षीय छलफल गरेर अघि बढ्ने जानकारी दिए । पहिलो राष्ट्रिय लिग भएकाले आफूहरुको तर्फबाट पनि गल्ती हुन सक्ने भन्दै उनले कमजोरी सुधार्दै जानुपर्नेमा जोड दिए । समस्या समाधानका लागि शनिबार छलफल राखेको उनको भनाइ थियो ।
शंखमुल र सविन मेमोरियल विजयी
‘ए’ डिभिजन फुटसल लिगअन्तर्गत शुक्रबार ३ खेल भएका छन् । जसमा शंखमुल फुटसल क्लब र सविन मेमोरियल क्लब विजयी भएको छ । ढुकु फुटसल हबले प्रभातफेरी युथ क्लबसँग बराबरी खेलेको छ ।
पहिलो खेलमा शंखमुलले दि राइजिङ क्लब धरानलाई ५–२ गोलअन्तरले पराजित ग¥यो । शंखमुलको जितमा कृजल खड्काले २ तथा अरुज सिंह, म्यान अफ दी म्याच मणि लामा र सुशन श्रेष्ठले समान १ गोल गरे भने विसन श्रेष्ठ र सुदीप गुरुङले गोल फर्काए । जितसँगै शंखमुल ८ अंकका साथ तेस्रो स्थानमा उक्लेको छ । राइजिङ भने ९ अंकका साथ अंक तालिकाको दोस्रो स्थान छ ।
दोस्रो खेलमा पोखराको सविन मेमोरियलले रुपन्देहीको झरना स्पोर्टस्लाई ७–१ गोल अन्तरले हरायो । फराकिलो जितसँगै सविनले गोल अन्तर पनि बढाएको छ । प्रतियोगिताको ३ खेल जितेको सविनको राइजिङसँगै ९ अंक भए पनि गोलअन्तर बढी भएका कारण सविन अंक तालिकाको पहिलो स्थानमा उक्लेको छ । सविनको जितमा म्यान अफ दी म्याच अविनास तामाङले ह्याट्रिक पूरा गरे । मनीष सेढाईंले २ तथा मनोज गुरुङ र सुनील विकले १/१ गोल गरे ।
तेस्रो खेलमा ढुकुले प्रभातफेरीसँग ४–४ बराबरी खेलेको छ । ढुकुको तर्फबाट विक्रान्त नरसिंह रानाले २ तथा अभय राना र सुमन तामाङले १/१ गोल गरे । प्रभातफेरीका लागि म्यान अफ दी म्याच धिरज जोशी, धिरज श्रेष्ठ, सन्तलाल गुरुङ र श्रीजेश पुरीले १÷१ गोलको योगदान दिए । बराबरीसँगै अंक तालिकामा खाता खोल्दै नवौं स्थानमा उक्लिएको छ । ढुकु लिगको चौथौं चरणसम्म १ जित १ बराबरी र २ हारसँगै ४ अंकका साथ सातौं स्थानमा छ ।
Related News
सम्बन्धित समाचार
गण्डकी प्रदेश स्क्वास ¥याकेट संघमा रञ्जित
खेल्छ गण्डकी अभियानमा ३५ बालक सहभागी
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
hero news full width
मुख्य समाचार
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
वैशाख १४, २०८१मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१