पोखरा । ‘केरामा विषादीको प्रयोग भइरहेको छ, ल अब उपभोक्ता हितका लागि अनुगमन हुन्छ कि हँुदैन ।’ भन्दै फोटोसहित उपभोक्ता हित संरक्षण मञ्च गण्डकी प्रदेशका अध्यक्ष कपिलनाथ कोइरालाको म्यासेन्जरमा एउटा म्यासेज आयो । मंगलबार बिहान म्यासेन्जर मार्फत आएको फोटोमा केराको घरी नजिकै विषादी छर्कने स्प्रे प्रष्ट देखिन्थ्यो । सधैं उपभोक्ताको हितका लागि काम गर्ने कोइरालालाई यो विषय गम्भिर लाग्यो । तत्काल बुझ्दै जादा कृषि उपज बजार पृथ्वीचोकको पसल भन्ने पत्ता लगाए ।
उपभोक्ताबाट फोटोसहित जानकारी आएपछि मंगलबार नै सबै सम्बन्धीत कार्यालयमा फाने हाने । बेलुका पख उद्योग, वाणिज्य उपभोक्ता हित संरक्षण निर्देशनालय गण्डकी प्रदेशका निर्देशक नारायण आचार्यको संयोजकत्वमा समिति गठन भयो । समितिमा आचार्यसहित कपिलनाथ कोइराला, खाद्य प्रविधि तथा गुण नियन्त्रणण डिभिजन कार्यालयका प्रमुख शिवजी बराल, जिल्ला प्रशासन र जिल्ला प्रहरीका प्रतिनिधि थिए । लकडाउनको समयमा रातीको समयमा पसल नखुल्ने भएपछि मंगलबार समिति मात्र गठन भयो । बुधबार बिहानै टोली कृषि उपज बजार केन्द्र पृथ्वीचोक पुग्यो ।
खोज्दै, बुझ्दै जाँदा बजारको सटर नम्बर ६९ मा तस्बिरको स्प्रेसहित केराको घरी भेटियो । म्यासेन्जरमा आएको तस्बिरसँग वास्तविकता मेल खाएपछि पसलको बारेमा सोधपुछ सुरु भयो । सोध्दै जाँदा सटर नम्बर ६९ मा सञ्चालनमा रहेको भुर्तेल फ्रुट सेन्टरले नै त्यो बदमासी गरेको पत्ता लाग्यो । उनीहरुले के प्रयोग गरेका हुन्, ठ्याक्कै भन्न नसकिने खाद्य प्रविधि तथा गुण नियन्त्रणण डिभिजन कार्यालयका प्रमुख शिवजी बरालले जानकारी दिए । ‘उनीहरुले के प्रयोग गरेको हो थाहा भएन्, उनीहरुले खोलपनि देखाएनन्,’ उनले भने, ‘हामीलाई चाँही क्याल्सियम कार्बाइड जस्तो लागेको छ ।’ क्याल्सियम कार्बाइडलाई पानीमा घोलेर प्रयोग गर्दा केरा छिटो पाक्ने भएका कारण पनि सोही रसायन प्रयोग गरेको हुन सक्ने उनको आँकलन थियो । अनुगमनका क्रममा अखाद्य वस्तु प्रयोग गरेको भेटिएकाले अखाद्य बस्तु नियन्त्रणमा लिएर २४ घण्टाभित्र कार्यालयमा उपस्थित हुन निर्देशन पनि दिएको छ ।
उक्त फ्रुट सेन्टरको गत ८ वर्षदेखि नविकरण फेल रहेको पनि उनले जानकारी दिए । ‘उनीहरुले नाम पनि नभनेपछि हामीले प्रयोगशालामा पठाउनका लागि स्याम्पल ल्याएका छौं,’ बरालले भने, ‘त्यसको रिजल्ट आएपछि कार्बाइड नै रहेछ भने कानुन अनुसार कारबाही गर्ने टिमको निष्कर्ष भएको छ ।’ कार्बाइडबाट एसिटिलीन ग्यास निस्कने भएका कारण ग्यास स्वास्थ्यका लागि हानिकारक रहेको उनले जानकारी दिए । अनुगमन कै क्रममा केहीले एसीको प्रयोग गरेर केरा पकाउने गरेको पनि भेटियो । एसीबाट पकाउँदा ७२ घण्टा लाग्ने र कार्बाइड प्रयोग गर्दा २४ घण्टा मै पाक्ने भएका कारण विषाधीको प्रयोग बढ्न थालेको हो । एसीको प्रयोग गर्दा भने शरिरमा कुनै असर नगर्ने उनको भनाई छ ।
अनुगमन कै क्रममा केही फलफुल खरिद मुल्यभन्दा बढिमा बेचेको भेटिएको उपभोक्ता हित संरक्षण मञ्च गण्डकी प्रदेशका अध्यक्ष कपिलनाथ कोइराला जानकारी दिए । बजारको सटर नम्वर ८० को माँ बालकुमारी फ्रुट सेन्टरले बढि मुल्यमा फलफुल बेचेका हुन् । माल्टा भन्ने फल बिदेशमाबाट प्रतिकिलो ५८ रुपैँयामा खरिद गरेर होलसेलमा १ सय ६७ र खुद्रामा ३ सय रुपैयाँ प्रतिकिलोमा बेचेको भेटिएको उनले बताए । उक्त फ्रुट सेन्टरलाई पनि २४ घण्टामा कागजपत्र र खरिद तथा बिक्री मुल्य सहित उपस्थित हुन निर्देशन दिइएको छ । त्यसैगरि बाबाधाम फ्रुट सेन्टर, नितेश सप्लायर्स र फुयाँल फ्रुट सेन्टरले प्यान तथा भ्याटको प्रमाण देखाउन नसकेका कारण ३ दिन भित्रमा कागजपत्रसहित उपस्थित हुन निर्देशन दिएको कोइरालाले बताए ।
अनुगमनका क्रममा त्रुटि भेटिएकाहरुको अनुसन्धानको क्रममा रहेको उद्योग, वाणिज्य उपभोक्ता हित संरक्षण निर्देशनालय गण्डकी प्रदेशका निर्देशक नारायण आचार्यले बताए । अनुसन्धानपछि उपभोक्ता हकहित संरक्षण ऐन २०७५ अनुसार कारवाही हुनेछ । ‘हामी उहाँहरुको कसुरको अनुसन्धानकै प्रक्रियामा छौं, अनुसन्धानमा जुन कसुर ठहर हुन्छ त्यही अनुसार सजाय भोग्नुहुन्छ,’ आचार्यले भने, ‘दण्ड सजाय र कसुरको व्यवस्था उपभोक्ता हकहित संरक्षण ऐन २०७५ मा भएको व्यवस्था अनुसार हुन्छ ।’
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१