स्याङ्जा । स्याङ्जामा २ महिनाभित्रै अक्सिजन प्लान्ट स्थापना गर्ने गरी काम थालिएको छ । भीरकोट नगरपालिका हेलुस्थित कालिका अस्पतालमा प्लान्ट निर्माण गर्ने टुंगो लागेको छ ।
अक्सिजन प्लान्ट निर्माणका लागि गठित ३ सदस्यीय समितिले प्लान्ट राखिने स्थल, अनुमानित खर्चलगायत विषयमा अध्ययन सकेपछि मंगलबार बसेको भर्चुअल बैठकले अब प्लान्ट निर्माणका तयारीमा तत्काल जुट्नेसहितका निर्णय गरेको हो ।
प्लान्ट निर्माणका लागि प्रत्येक गाउँपालिकाले १०/१० लाख र प्रत्येक नगरपालिकाले १५÷१५ लाख खर्च व्यहोर्नुपर्ने छ । तर भीरकोट नगरपालिकाले भने अन्य पालिकाको भन्दा दोब्बर रकम ३० लाख उपलब्ध गराउने सहमति जुटेको समिति सदस्य घनश्याम सुवेदीले जानकारी दिए ।
‘आकस्मिक खर्च गर्नुपर्ने बाध्यात्मक अवस्था आएकाले संघीय समानीकरण अनुदान र आन्तरिक आम्दानी अन्तर्गतका खर्च गर्न नसकिएका केही रकम रकमान्तर गरी खर्चको व्यवस्थापन गर्नेछौं ।’ उनले भने, ‘सरकारी प्रक्रिया लामो र झन्झटिला भएकाले तत्काल हामी सामुदायिक, निजी साझेदारी कार्यक्रम अनुरुप प्लान्ट निर्माणका लागि सबै पक्षलाई सहयोगको आह्वान गरेका छोैं ।’
२ महिनामा सक्ने गरी काम सुरु गर्नेे समितिले जनाएको छ । दैनिक सयदेखि डेढ सय सिलिन्डर अक्सिजन उत्पादन क्षमताको बनाउने गरी योजनामा जुटको भीरकोट नगरप्रमुख छायाँराम खनाल भन्छन् । दीर्घकालीन लक्ष्य अनुरुप कोरोना कहरपछिको अवस्थालार्ई समाप्तपछिलाई पनि ध्यान दिँदै प्लान्ट राखिने भएको प्रमुख खनालको भनाइ छ ।
यसअघि भएको भर्चुअल बैठकले जिल्ला समन्वय समिति उपप्रमुख दिलीप बगालेको संयोजकत्वमा भीरकोट नगरपालिका प्रमुख छायाँराम खनाल र फेदीखोला गाउँपालिका अध्यक्ष घनश्याम सुवेदी सदस्य रहने गरी समिति बनाई यी विविध पक्षबारे अध्ययन गर्ने जिम्मेवारी दिइएको थियो ।
अक्सिजन प्लान्ट निर्माणपछि अक्सिजनसहितको एम्बुलेन्स सेवा, कोरोना संक्रमितको मृत्युपछिका शवको व्यवस्थापनलगायतका विषयमा छलफल भएको बताइएको छ ।
स्याङ्जामा वैशाखयता, कोरोना संक्रमितको संख्या ११ सयभन्दा बढी पुगेको छ भने मृतकका संख्या ४८ छ । जिल्लामा दैनिक १ भन्दा बढी संक्रमितको मृत्यु हुँदै आएको छ । मृत्युको प्रमुख कारण अक्सिजन अभाव भएको बताइन्छ ।
यस्तै,स्याङ्जा जिल्ला अस्पतालमा अक्सिजन प्लान्ट स्थापनाका लागि स्वास्थ्य मन्त्रालयको रिफारिसमा अर्थ मन्त्रालयले १ करोड ५० लाख बजेट स्वीकृत गरेको अस्पतालले जनाएको छ ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
मानव सेवा अश्रममा खाना खुवाइयो
राप्रपाले साथ नदिने भएपछि अधिकारी सरकार संकटमा, अब के होला ?
माटो सुहाउँदो खेती गरे विदेशिनु पर्दैन : प्रमुख घर्ती
गण्डकीमा संविधान भर्सेज सर्वोच्च
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१